Asosiy mavzular
20 noyabr 2020

“Hibsning desertiga kaltak” – haqtalablarning muammolarini hal etishning qashqadaryocha usuli

Qashqadaryo viloyati ichki ishlar boshqarmasi xodimlari haq talab qilgani (hujjatlarda – “jamoat tartibini buzgani”) uchun uch kunlik ma'muriy hibsga olingan ayollarni avval kaltaklab, keyin ozod qilgan. Bu haqida “Eltuz”ga jabrlanganlarning o‘zlari – 37 yoshli Dilafruz Do‘ltaeva, uning singlisi 32 yoshli Dilso‘z Do‘ltaeva va 53 yoshli Gulshan Muxtorova xabar berdi.

“Nohaq qamalganimiz yetmaganidek, hibsxona xodimlari “deserti”ga bizni kaltaklab, keyin chiqarib yubordi”, deydi opa-singil Do‘ltaevalar. Ularning aytishicha, voqea shu yilning 14 noyabr kuni sodir bo‘lgan.

“Uch kunlik hibs vaqti tugagach, 14 noyabr kuni soat tungi birlarda bizni qamoqdan chiqarishadigan bo‘lishdi. Lekin chiqayotganimizda: “Bu yana “prava kachat” qilmasligingiz uchun!” deb, hibsxona xodimlari bizlarni kaltaklashdi”, deydi opa-singil Do‘ltaevalarning so‘zlarini tasdiqlagan Gulshan Muxtorova.

IIBning voqeaga aloqador xodimi “Eltuz” muxbiriga ayollarni qamash haqida hokimlikdan topshiriq olmaganini va ularning jamoat joyida yurish-turish qoidalarini buzganlik aybi bilan hibsda ushlab turilganini aytib o‘tdi.

“Ayollarga nisbatan zo‘rlik ishlatilmadi. Qo‘shimcha ma'lumot taqdim etolmayman”, dedi Qarshi shahri IIB xodimi.

Qarshi shahar hokimligida ishlayotgan mulozimlar ham taxminan shunday fikr bildirishdi. Ularning aytishicha, ayollarning muammosi o‘rganilgan va ijobiy yechim topish arafasida bo‘lgan. “

Lekin ayollar noshukrlik qilib, hokimlik yonida bir necha marotaba janjal qilishdi. Ular nega uch sutkaga qamalganidan bexabarman”, dedi hokimlik mulozimi.

“Eltuz” tasarrufida bo‘lgan video va audioma'lumotlarga ko‘ra, Dilafruz Do‘ltaeva, uning singlisi Dilso‘z Do‘ltaeva va Gulshan Muxtorova 11 noyabr kuni muammolari o‘rganilib chiqilishi bahonasi bilan Qarshi shahri hokimligiga chaqirilgan.

Keyinchalik hokimlik xodimlari “ayollar jamoat tartibini buzdi”, degan bahona bilan militsiyani chaqirgan.

Militsiya esa ayollarni zudlik bilan ma'muriy sudga olib boradi. Sud ham o‘ljasini avvaldan kutib yotgan nahangdek opa-singil Do‘ltaevalar va Muxtorovani uch kunlik ma'muriy hisbga olish haqida qaror chiqaradi. Haqtalab ayollarning uch kunga qamalishi aynan shu tarzda sodir bo‘lgan.

Mazlumalarning taxmin qilishicha, ayyorona aldov va uning ortidan kelgan nohaq hibs Qarshi shahri hokimligi rahbariyatining norasmiy topshirig‘i bilan amalga oshirilgan.

Ularning aytishicha, mahalliy hokimlik ayollar o‘z haq-huquqlarini davomli talab qilib kelgani uchun shu tarzda o‘ch olgan.

37 yoshli Dilafro‘z Do‘ltaeva ishsizlik muammosi tufayli hokimlikka va boshqa idoralarga tinimsiz murojaat qilib kelgan. Avval ishlab turgan turgan joyidan bo‘shatilgan va qayta tiklashga urinsa-da, ijobiy yechim topmagan. Oliy ma'lumotli bo‘lsa-da, ancha vaqt sohasi bo‘yicha ish topolmay qiynalgan.

Dilafro‘zning 32 yoshli singlisi Dilso‘z Do‘ltaeva – o‘qituvchi. Uning dars soatlarini ko‘paytirish bo‘yicha murojaati ijobiy hal etilmagan. Aksincha, yana qisqartirilgan.

Bugun Dilso‘z Do‘ltaeva Mirishkor tumanida ishlab turgan maktabidan “noshukrligi uchun” bo‘shatilgan.

53 yoshli Gulshan Muxtorova esa eridan ajralgan va uch farzandi bilan uysiz qolgan. Eri uch xonali uy qilib berishini aytganini, buni sud tasdiqlaganini ta'kidlaydi.

“Eltuz” bilan suhbatda Gulshan Muxtorova joylarda qonun ishlamasligidan, ko‘zbo‘yamachilik avj olganidan, davlat tomonidan ajratilgan uyning boshlang‘ich to‘lovini to‘lashga qurbi yetmasligidan noliydi.

“2018 yilda Oliy sud raisining o‘rinbosari Yodgorov Qarshida o‘tkazgan sayyor qabulda murojaatim ko‘rib chiqilganini, murojaatim bo‘yicha menga uy berilishini aytgan edi.

Uning bu gaplari 2018 yil noyabr oyida «O‘zbekiston-24» va qator telekanallarda efirga uzatilgan edi. Oradan ikki yil o‘tdi, lekin uydan darak yo‘q”, deydi G.Muxtorova.

Muammolari hal qilinmagan ayollar o‘z haqlarini talab qilib mahalliy va respublika idoralariga murojaat qilaverishgan. Qashqadaryodagi mulozimlarning tinchi buzilgan. Mahalliy idoralar ayollarning muammosini uch kunlik hibs va desertiga kaltakbozlik bilan “hal etish”ga qaror qilishgan.

Tag‘in o‘qing
8 may 2020
1865 yilning 8 mayida zambarak bilan qurollangan rus bosqinchi otryadlari Toshkent yaqinidagi janglarda qo‘qonlik Alimqul qo‘shinlarining qaqshatqich hujumiga uchrab, ...
21 yanvar 2019
16 yanvar kuni Shveytsariyaning «Tages-Anzeiger» gazetasi amerikalik biznesmen va Gulnora Karimovaning sobiq eri Mansur Maqsudiy Karimovaning Shveytsariyada muzlatilgan aktivlaridan ...
26 aprel 2017
Stokgolm hujumchisi Oqilovning sherigi deya hibsga olingan 26 yoshli chechen yigiti ikki kunlik so‘roqdan keyin 25 aprel kuni qo‘yib ...
12 sentyabr 2019
“Bizdan jiz-z!”ning bugungi sonida Do‘stnazar Xudoynazarov tovuq kabob qanday tayyorlanishini namoyish qiladi. Bu galgi video Shvetsiyaning so‘lim tabiati fonida ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...