Asosiy mavzular
27 dekabr 2020

Abiturient qiz o‘limiga sabab bo‘lgan ikki yigit qamoqqa olindi

23 dekabr kuni Namangan viloyatining Norin tumani IIB tergov bo‘linmasi tomonidan norinlik ikki yigitga nisbatan “odam o‘limiga sabab bo‘lgan xavf ostida qoldirish” va “og‘ir oqibatlarga sabab bo‘lgan odam o‘g‘irlash” aybi bilan jinoyat ishi qo‘zg‘atildi. 

Ular abiturient qizni yo‘lda o‘g‘irlab ketayotganda qiz mashinadan o‘zini tashlagan, ko‘p o‘tmasdan shifoxonada vafot etgan.

“Changitma” MFY xodimining “Eltuz”ga xabar berishicha, yigitlar Norin tumani markazida istiqomat qiladi. 20 dekabr kuni soat 23.30 da ular shu mahalladagi xonadonlardan birida ijarada yashab kelayotgan, asli Uchqo‘rg‘on tumanidan bo‘lgan 16 yoshli qizning oldiga borgan.

Yigitlar qizga uning dugonasi bilan bog‘liq muhabbat mojarosi borasida gaplashib olmoqchi ekani va bu masalada uning yordami kerakligini aytib, aldab mashinasiga mingizgan. Ular mast holda Damas mashinasini tez haydab ketgan.

Qiz esa yigitlardan qutulish maqsadida yurib ketayotgan mashinaning eshigini ochib, o‘zini yerga tashlagan.

Qizni o‘g‘irlagan yigitning IIBga bergan ko‘rsatmasiga ko‘ra, qiz o‘zini mashinadan tashlagach, u mashinadan tushib, qizga yordam berish uchun oldiga borgan. Ikkinchi yigit esa qo‘rqqanidan voqea joyidan qochib ketgan.

Damas haydovchisi voqea joyidan qochib ketgach, yo‘ldan o‘tib ketayotgan Lacetti haydovchisi to‘xtab, jon talvasasida yotgan qizni shifoxonaga olib borgan. Ko‘rsatilgan tibbiy yordamga qaramay, o‘ta og‘ir tan jarohati olgan qiz shifoxonaning jonlantirish bo‘limida vafot etgan.

Mahalla xodimining aytishicha, qiz o‘g‘irlab ketilgan xonadonda Uchqo‘rg‘on tumanidan ikki nafar, Norin tumanidan bir nafar abiturient yashagan.

Norin tumani IIB tergov bo‘linmasi mulozimining aytishicha, ikki yigit qizlar ijaraga turadigan xonadonga kun ora kelib, norinlik abiturient qiz bilan gaplashib ketisharkan. Uy egasi, qo‘shnilar bu holatdan bexabar bo‘lgan. Mahalla xodimlari esa xonadonda turuvchi qizlarni hatto ro‘yxatga ham olmagan.

Tag‘in o‘qing
12 dekabr 2017
Prezident Mirziyoev 7 dekabr kungi nutqida Xalq qabulxonalariga bir yil ichida bir yarim million shikoyat tushganini bildirdi. Shikoyatlarning eng ...
28 mart 2022
Navoiy viloyatining Karmana tumanida yashovchi jamoatchilik faoli Dildora Boymurodovaga nisbatan O‘zbekiston Jinoyat kodeksining 165-moddasi (tovlamachilik) bo‘yicha jinoyat ishi qo‘zg‘atildi.  ...
13 mart 2018
O‘zbekiston Prezidenti Shavkat Mirziyoev 2 mart kuni Navoiy viloyati Xatirchi tumanida viloyat faollari ishtirokidagi yig‘ilishda “viloyatdagi MXX xodimlarining aksar ...
29 dekabr 2020
2020 yilda Milliy gvardiya tashabbusi bilan Uchtepa tumani hokimligi va Toshkent shahri IIBB hamkorligida aholi o‘rtasida sog‘lom turmush tarzini ...
Bloglar
26 avgust 2022
30 yildirki sargardonlikda, avval Norvegiyada keyin Turkiyada yashayotgan Muhammad Solih yangi kulliyoti – asarlar to‘plami ...
15 avgust 2022
Taniqli siyosat arbobi va shoir Muxammad Solih suhbatining davomida sevimli ayoli Oydin xonim bilan kechirgan ...
10 avgust 2022
Taniqli siyosat arbobi va shoir Muxammad Solix bilan may oyida o‘tkazilgan bu suhbat bevosita Eltuz ...