Asosiy mavzular
1 fevral 2021

Mirziyoevni kuzatgani iddao qilingan DXX xodimi qamoqqa olindi

Davlat xavfsizlik xizmatining 7-bo‘linmasi sobiq tezkor xodimi Sherzod Haitov dekabr oyining birinchi yarmida DXX xodimlari tomonidan hibsga olindi.

Bu haqda “Eltuz”ga ayni xizmat xodimlaridan biri ma'lum qildi.

Unga ko‘ra, Sherzod Haitovga nisbatan hozir jinoyat ishi qo‘zg‘atilgan va tergov harakatlari olib borilmoqda.

DXXning sobiq zobiti ustidan Toshkentning  Gvardeyskiy nomi bilan tanilgan DXX hibsxonasida olib borilayotgan so‘roq-surishtiruvga DXX tergov bo‘linmasi boshlig‘i Ulug‘bek To‘xtasinov boshchilik qilmoqda.

Sherzod Haitov huquqlarini uning sobiq hamkasbi, hozir advokatlik bilan shug‘ullanayotgan Xurshid Tolboboev himoya qilayotir.

DXX zobitiga qo‘yilgan rasmiy ayblovlar “Eltuz”ga ma'lum emas.

Ammo «Eltuz»ning DXXdagi manbasiga ko‘ra, Sherzod Haitovning qamoqqa olinishiga uning DXX raisining sobiq o‘rinbosari Jahongir Egamovning topshiriqlarini bajargani sabab bo‘lgan.

Sherzod Haitov doxil ayg‘oqchilar guruhi 2018 yil iyun oyidan boshlab olti oy davomida prezident Mirziyoev va uning oilasi a'zolari ortidan sirtdan kuzatuv o‘rnatganlar.

Jahongir Egamov prezident va uning oilasi ortidan kuzatan ayni guruhni boshqargani ishoniladi.

2018 yilning 25 dekabrida DXXning yangi binosida Shavkat Mirziyoev raisligida bo‘lib o‘tgan kengaytirilgan yig‘ilish paytida Jahongir Egamov vazifasidan chetlatilgan edi.

Ko‘p o‘tmay Jahongir Egamov va xavfsizlik xizmatining bu ishga aloqador yana besh mulozimi hibsga olindi.

Xavfsizlik xodimlarining ma'lum qilishlaricha, o‘zi va oilasi a'zolari ustidan kuzatuv o‘rnatilganidan xabar topgan O‘zbekiston rahbari qattiq g‘azabga kelgan va aybdorlarni darhol jazolashni buyurgan.

Keyinchalik Jahongir Egamov yirik miqdordagi iqtisodiy va korruptsiyaga bog‘liq jinoyatlarni sodir etganlikda ham aybdor deb topilib, 16 yilga ozodlikdan mahrum etildi.

“O‘sha vaqtda DXX 7-bo‘linmasi tezkor kuzatuv xodimlariga ham jinoyat ishi qo‘zg‘atilmagan edi. Tergovga yordam berishgani uchun tegmay turishgan. Ish soviganidan ikki yil o‘tib Sherzod Haitovga ish qo‘zg‘atib, yopishdi”, dedi “Eltuz” manbasi.

Eltuz.com

Tag‘in o‘qing
1 mart 2016
24 fevral kuni Namanganda “Internetdagi tahdidlardan himoya” kitobining taqdimoti o‘tkazildi. Taqdimotda O‘zbekiston musulmonlari idorasi raisi maslahatchisi Xayrulla Turmatov, O‘zbekiston ...
23 yanvar 2018
O‘zbekiston oltinini xorijga tashmalash Islom Karimov va uning atrofidagilar tomonidan hali mustaqillikning ilk yillaridan boshlangan edi. Mamlakatning birinchi va ...
24 fevral 2021
Bu O‘zbekiston. Mana bu esa uning musaffo osmoni. Bu oldingi o‘zbek ayollari,ular uchtadan tug‘ardi. Hozir bu bolalar Rossiyada. “Mening ...
1 yanvar 2022
Qadrli Eltuz kanali ko‘rarmanlari va obunachilari. Cizlarni avvalo kirib kelayotgan yangi 2022 yil bilan tabriklamoqchimiz. O‘tgan 2021 yil O‘zbekiston ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...