Huquq faoli qamoqdagi transgender Nigina bilan uchrashdi

19 fevral kuni huquq faoli Abdurahmon Tashanov O‘zbekiston IIVning 1-tergov izolyatori (Toshturma)da saqlanayotgan, Nigina ismi bilan tanilgan transgender Mirsharif Zokirov bilan uchrashdi.

Huquq faoli bilan suhbatda Zokirov unga tuhmat qilinib, Jinoyat kodeksining 131-moddasi (fohishaxona saqlash) bo‘yicha qo‘shimcha ayblov qo‘yishmoqchi ekanini bildirgan.

Zokirov 2020 yil 1 yanvarda Jinoyat kodeksining 276-moddasi 1-qismi (tovlamachilik),  276-moddasi 1-qismi (giyohvandlik moddalarini saqlash) bilan ayblanib, 3 yilga qamalgandi.

2020 yil sentyabrda Zokirovning Toshkent shahri IIB yerto‘lasiga olib ketilgani,  u yerda besh nafar ichki ishlar xodimi uning  sochlarini olib tahqirlangani va kaltaklangani haqidagi xabarlar mediatarmoqlarda tarqalgandi.

Undan oldin transgenderning Shok.uz kanaliga bergan intervyusi jamoatchilik o‘rtasida katta bahs-munozara ko‘targan edi.

Yunusobod tumani IIBning Zokirovni tahqirlagan 5 nafar xodimiga esa hanuz chora ko‘rilgani yo‘q.

Eltuz.com