Asosiy mavzular
4 aprel 2021

Nozim jallod o‘ldi

O‘zbekiston jazoni ijro etish tizimida “birinchi raqamli jallod” sifatida nom chiqargan Nozim Jumaev birinchi aprel kuni Buxoroda ko‘mildi. Bundan oldin u qamoqda noma'lum sabablarga ko‘ra o‘lgan edi. 

Nozim Buxarskiy laqabi bilan tanilgan 61 yoshli Nozim Jumaev 2015 yilda qamalgan edi. U giyohvandlik vositalari yoki psixotrop moddalarni qonunga xilof ravishda tayyorlash, olish, saqlash bilan bog‘liq jinoyatda aybdor deb topilgandi. 

Bundan roppa-rosa bir yil oldin, 2020 yil 1 aprelda O‘zbekiston Ichki ishlar vazirligi Jazoni ijro etish bosh boshqarmasi matbuot xizmati axborot tarqatib, “sog‘lig‘i yomonlashgan” Jumaevning gumanitar asosda ozod qilinmasligini bildirgan edi. 

“Navoiy viloyatidagi 11-jazoni ijro etish koloniyasida jazo muddatini o‘tayotgan mahkum Nozim Jumaev uyushgan guruh tarkibida jinoyat sodir etgani sababli unga nisbatan Jinoyat kodeksida ko‘rsatilgan, muddatidan ilgari shartli ozod qilish yoki jazoni yengilrog‘i bilan almashtirish bilan bog‘liq bo‘lgan insonparvarlik dalolatnomalari qo‘llanilmaydi”, deyilgandi xabarda.

Bu bayonot faollarning Nozim Jumaevning afv qilinishi ehtimolidan tashvish bildirganiga javoban e'lon qilingan edi. 

Inson huquqlar faollari Jumaevning koloniyada kauchuk qo‘g‘irchoqni do‘pposlayotgani va kirib kelayotgan 2020 yil bilan tabriklayotgani aks etgan videotasvirlarni taqdim qilgan edi.

Navoiy viloyati Qiziltepa tumanidagi qamoqxona sobiq mahbuslaridan biri go‘yoki diabet kasaliga chalingani vajidan Jumaevga koloniyada alohida yaxshi sharoit yaratib berilganini aytgan edi. 

Xo‘sh, birinchi aprel kuni janozasi o‘qilgan Nozim jallod kim? Mahbuslar orasida “Palach” (Jallod), “Loxmach” laqablari bilan nom chiqargan Nozim Jumaev 2014 yil dekabr oyida qamoqqa olinib, 2015 yilda yuqorida eslatilgan ayblarda ayblanib 20 yilga qamalgan edi.

U 2014 yili Moskvadan Toshkentga maxsus chaqirtirilib, MXXning sobiq xodimlarini so‘roq qilish chog‘ida qatnashishga jalb qilinganidan keyin qamoqqa olingani aytiladi. Nozim Jumaev xodimlarning “tilga kirib¸ iqrornoma”ni tezroq yozishini ta'minlab bergan.

2014 yili MXXning 12 xodimi hibsga olingani haqida “Ozodlik” ma'lumot bergan edi. Nozim Jumaevning Bekoboddagi qamoqxonada MXX xodimlariga beshafqat muomalasi yaqinlarini dahshatga solgan va ular kameralarga “Jallod” kirmasligi uchun katta o‘lpon to‘lashga majbur bo‘lishgan.

Milliy xavfsizlik xizmatining (hozirgi Davlat xavfsizlik xizmati) 12 nafar sobiq xodimi noqonuniy tadbirkorlik, korruptsiya va davlat mablag‘larini o‘zlashtirish borasida o‘z aybiga iqror bo‘lishiga Nozim Jumaev “hissa qo‘shgan”.

Ular uzoq muddatga ozodlikdan mahrum qilinganidan keyin, 2014 yilning dekabr oyida Nozim Jumaevning o‘zi ham hibsga olingandi.

Kriminal dunyoga yaqin tadbirkorning “Ozodlik”ka 2014 yilda aytishicha¸ Buxorodagi “Moviy gumbazlar” restorani Nodir Jumaevga sovg‘a qilingan.

O‘zbekistonlik jurnalist Aleksey Volosevichning so‘zlariga ko‘ra, kriminal dunyo qoidalariga zid tarzda ma'muriyat bilan hamkorlikda ish olib boradigan shaxslar o‘zbek qamoqxonalarida ko‘plab topiladi.

Eltuz.com

Tag‘in o‘qing
20 oktyabr 2022
Muhbir: Solih aka. Bugungi suhbatimizda oilangiz haqida gaplashsak. Ya'ni Madaminbek oilasida tug‘ilgan farzandlar haqida. Siz to‘ng‘ich o‘g‘ilsiz.Muhammad Solih: Men ...
28 fevral 2017
28 fevral kuni dollarning rasmiy kursi deyarli 50 so‘mga qimmatladi, real kursi esa 7000 so‘mdan oshib ketdi. Dollaruz.Com saytiga ...
30 yanvar 2022
(Rassom Tuz hikoyalari. Davomi, boshi o‘tgan sonlarda) Kim ko‘p go‘sht yeydi? Bo‘riimi yo Xolli? Qarzdan qutulgan Xolli avvalgiday elektrosetda ...
13 may 2016
O‘qituvchilarga maosh o‘rniga berilayotgan «jo‘janing davlat kursi» bozor narxidan ikki baravar qimmat ekani haqida urg‘ulaydi Ozodlik radiosi. Eltuz.com Nukus ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...