Asosiy mavzular
9 aprel 2021

Kaltaklangani ortidan o‘ligi chiqqan shovotlik kelin mavzusini prokuratura nazoratga oldi

Bundan 9 kun oldin muttasil kaltaklash ortidan molxonada osilgan holda topilgan homilador kelin Muxlisa Qadamboeva mavzusi 9 aprel kuni Shovot tumani hokimligi va IIB xodimlari tarafidan muhokama qilingan.

8 aprel kuni «Ozodlik» radiosi Xorazm viloyati Shovot tumani Katqal'a qishlog‘ida bundan 6 oy oldin turmushga uzatilgan 19 yoshli Muxlisa Qadamboeva 1 aprel kuni erining uyidagi molxonada osilgan holda topilgani haqida yozgan edi.

«Ozodlik» Muxlisaning o‘limidan oldin kaltaklanganini va jasad sud tibbiy ko‘rigidan o‘tkazilgan bo‘lsa ham hanuz oila a'zolariga ekspertiza xulosasi berilmagani borasida qarindoshlar gapiga minbar bergan edi.

9 aprel kuni «Eltuz»ga ma'lum bo‘lishicha, hodisa yuzasidan viloyat prokuraturasi tergovgacha surishtiruv o‘tkazgan va bu mavzu xalqaro matbuotga chiqqani ortidan hodisani qayta nazoratga olgan.

«Eltuz» suhbatlashgan prokuratura vakiliga ko‘ra, ushbu hodisa Jinoyat kodeksining 103-moddasi (o‘zini o‘zi o‘ldirish darajasiga yetkazish) bilan malakalanishi mumkin.

Voqea yuzasidan huquqshunos Musa Azim Xudoyberdiev «Eltuz»ga izoh berdi: «O‘zbekiston mustaqillikka erishgach, aynan ayolar huquqiy himoyasiga e'tiborsizlik, yosh oilalarning buzilishi o‘zbek qizlarining mardikor va fohisha bo‘lishiga zamin yaratdi.

Sud amaliyotiga nazar tashlasak, aynan prokuratura tizimi ayollarning huquqini poymol qilishda o‘z hissasini qo‘shmoqda. 9 kun oldin marhuma, Xorazm viloyati Shovot tumani sobiq Leninizm qishlog‘ida yashovchi homilador Muxlisa Qadamboevaning tan jarohatlari bilan, kiyimlari yirtilgan, murdasi osilgan holda topilishi, ayollarni qasddan o‘ldirilishi qonun oldidagi javobgarlikni istisno etadi shekilli.

Amaliyotda korruptsiya borligi sabab bu kabi jinoyatlar ochilmay qolmoqda. Yana sud amaliyotiga nazar tashlasak, qasddan odam o‘ldirish JKning 103-moddasi bilan kvalifikatsiya qilinadi. Hozir prokuratura tizimi poraxo‘rligi sabab aynan ushbu holatdagi o‘lim nari borsa o‘zini o‘zi o‘ldirish deb baholanadi.

Barchaning e'tibori marhuma Muxlisa Qadamboevaning tan jarohatlari bilan osilgan holdagi murdasi topilganligi bo‘yicha olib borilayotgan surushtiruv, tergov jarayoniga qaratilishini so‘rayman. Marhumaning o‘limi yuzasidan Shovot tumani prokuraturasi qay darajada savodsizligini va prokuratura tizimi qanchalik chirib, harom bo‘lganini shunga o‘xshash ishlar bilan isbotlab beraman. Xulosa qilishga balkim ertadir, lekin bu holat mamlakatdagi huquqiy ahvolga ko‘zgu tutdi».

1 aprel kuni osilgan holda topilgan Muxlisa Qadamboeva o‘limidan oldin feysbukdagi dugonasiga qattiq kaltaklanganini yozgan.

Ma'lum bo‘lishicha, homilador kelinni qaynotasi, qayin ukasi, qaynonasi va Murod degan eri ikki kun davomida nega qo‘shnidan 5000 so‘m qarz olding, deb urishgan. Kelin bu arzimas pulni ammasining uyiga borishga yo‘lkira uchun qarzga olgan. Bu kelin tikuv mashinasida ko‘rpa-to‘shak tikkan, topgan hamma pulini qaynotasi olib qo‘ygan.

Otasi qozoqda ishlab olib bergan telefonini ham qo‘lidan tortib olishib, uyda ishsiz o‘tirgan qayin ukasiga berishgan.

Muxlisaning dugonalari «Eltuz» bilan suhbatda «Bu ayol tayoqlar zarbiga chiday olmay o‘zini osgan», deyishdi.

Eltuz.com

Tag‘in o‘qing
7 aprel 2016
«Xalq so‘zi» gazetasi yaqin oylarda o‘tkazilishi mo‘ljallangan fuqarolar yig‘inlari raislari va ularning maslahatchilarini saylash tadbiri Oliy Majlis Senatining jiddiy ...
29 aprel 2020
Andijon viloyatining Andijon tumanida uchastka nozirlari va mahalla faollari yangi tuzilgan «Saxovat va ko‘mak» jamg‘armasi hisobiga aholidan uyma-uy yurib ...
14 dekabr 2015
Shu kunlarda, Ozodlik radiosi va boshqa bir qator saytlar tarqatgan xabarlarga ko‘ra O‘zbekiston bo‘ylab MXX, militsiya va mahalla faollari ...
30 yanvar 2018
O‘zbekistonni 27 yil boshqargan va 2016 yilda o‘lgan Islom Karimovning nabirasi Buyuk Britaniya hukumatidan siyosiy boshpana so‘radi. Bu haqida ...
Bloglar
25 may 2021
O‘zbekistonda yaqinda o‘tkazilgan so‘rovnoma respondentlarning 10 foizdan ko‘prog‘i oiladagi zo‘ravonlikka qarshi emasligini ko‘rsatdi. Bu mamlakatdagi gender munosabatlardagi tashvishga soladigan holatdir. Bu haqda Eurasianet nashri yozdi. 15 may kuni BMTning ...
19 may 2021
Toshkent shahrida bunyod etilgan “G‘alaba bog‘i” yodgorlik majmuasida harbiy xizmatni o‘tayotgan oddiy askarlar 9 may ...
18 may 2021
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...