Asosiy mavzular
23 aprel 2021

Sattoriyning advokatiga shantaj qilishga urinish bo‘ldi

Termizlik bloger Otabek Sattoriyning advokati Umid Davlatovning aytishicha, 2021 yil 19 martda jurnalistlarga intervyu berayotgan vaqtida unga nisbatan shantaj qilishga urinish bo‘lgan. 

Voqea Surxondaryo viloyati jinoyat ishlari bo‘yicha Muzrabot tumani sudi binosi oldida, tovlamachilik, tuhmat va haqorat qilish moddalari bilan ayblangan Otabek Sattoriy ishi bo‘yicha navbatdagi sud majlisidan keyin sodir bo‘lgan.  

Advokatning “Eltuz”ga ma'lum qilishicha, Sattoriyga oid jinoyat ishi yuzasidan asosiy jabrlanuvchi deb topilgan “bozorkom” Lochin To‘raev va u bilan kelgan 5-6 nafar erkak shantaj uyushtirishga uringan. 

– Sud jarayonlaridan chiqib intervyu berayotgan vaqtimda menga shantaj qilmoqchi bo‘lishdi,– deydi Umid Davlatov. – Bo‘lib o‘tgan voqea haqida Advokatlar palatasi Toshkent shahri hududiy boshqarmasiga ariza bilan murojaat qildim. 

Mazkur voqea videosi “Eltuz”da mavjud. Unda Milliy gvardiyaning ikki xodimi Lochin To‘raevni advokatdan uzoqda tutishga urinayotgani, chetga olinayotgan “bozorkom” advokatga haqoratli so‘zlar aytayotgani aks etgan. 

Advokat Umid Davlatov ushbu holatni jabrlanuvchi tomonning Otabek Sattoriyni himoya huquqidan mahrum etishga urinishi, deya baholadi. 

U Advokatlar palatasiga taqdim etilgan arizasida o‘zining xavfsizligi ta'minlanishini, sud jarayonlarida huquqlari cheklanmasligini so‘ragan.

Shuningdek, arizada “31 yoshli Lochin To‘raev va u bilan birga kelgan 5-6 nafar shaxs tomonidan professional faoliyatiga qarshilik ko‘rsatilgani, qasddan haqorat qilingani, unga kuch ishlatishga suiqasd qilishga urinish harakatlari bo‘lgani” bayon etilgan. 

Advokatning bildirishicha, u Lochin To‘raev bilan kelganlarning shaxsi to‘liq aniqlanib, ular sodir etgan noqonuniy xatti-harakatlarga qonuniy baho berilishini ham so‘ragan. 

Tag‘in o‘qing
11 sentyabr 2020
«Biz tomonlargayam koronavirus infektsiya yetib keldi. Qishlaxta o‘n beshta odamda o‘sha kasallik bor ekan»,- dedi bugun ertalab qishloqdoshlarimdan biri. ...
18 oktyabr 2015
Shoxrux Aliboev, 2013 yilning 27 iyunida ota onasidan ajratilib bolalar uyiga topshirilgan edi. +video
9 fevral 2016
9 fevral kuni Shvetsiyada taniqli ulamo Obidxon qori Nazarovga suiqasdda urinishda ayblangan Yuriy Jukovskiyga chiqarilgan hukmga nisbatan appelyatsiya mahkamasi ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...