Asosiy mavzular
17 dekabr 2022

EP50: Bandixondagi ko‘prik, majburiy obuna, Jizzaxning abgor yo‘llari…

«Eltuz» portaliga kelgan navbatdagi beshta shikoyatni o‘qib eshittiramiz. Dastlabki shikoyat Surxondaryodan

Bandixonning qaltis ko‘prigi

“Surxondaryo viloyati Bandixon tumani Paxtakor mahallasi Bog‘ ko‘chadagi ko‘prikning ahvoli. Bolalarimiz maktabga shu ko‘prik orqali qatnaydi. “Tez yordam” ham kela olmaydi. Mas'ullardan iltimos, ko‘prikni yangilab berishsin”.

“O‘qituvchilar maoshidan obuna uchun 130 ming soʻmdan ushlab qolinmoqda”

“Surxondaryo viloyati Muzrabot tumani xalq ta'limi bo‘limi tasarrufidagi maktabdan yozmoqdamiz. Bizda ixtiyoriy-majburiy obuna boshlandi. O‘qituvchilar roziligini so‘ramasdan obuna uchun 130 ming soʻmdan ushlab qolinmoqda. Buni qanday baholash mumkin? Mehnat inspeksiyasi, kasaba uyushmasi va prokuraturadan holatni nazoratga olishlarini soʻraymiz”.

“Ziyorat turizmi uchun qurilgan yo‘l yana abgor ahvolga kelmoqda”

“Jizzax viloyati Baxmal tumani Mug‘ol qishlog‘idan murojaat qilyapmiz. O‘tgan yili ziyorat turizmini rivojlantirish maqsadida qishlog‘imiz yo‘li asfalt qilingan edi. Lekin suv ombori qurilishiga qatnayotgan maxsus texnikalar yo‘lni yana abgor ahvolga solmoqda. Buning oldini olish kerak…”

“O‘quv yili boshida topshirilishi belgilangan maktab binosi hali-hanuz ochilmadi”

“Qashqadaryo viloyati Yakkabog‘ tumani XTBga qarashli 57-o‘rta maktabda 2021 o‘quv yiliga qadar sharoit og‘ir edi. Oʻquvchilar eski paxsa devorli sinflarda, 2 smenada o‘qib kelmoqda edi. Bu haqda “Nasafnews”, “Kun.uz” saytlarida maqolalar e'lon qilindi. Shundan keyin ta'lim mas'ullari maktab uchun zarur sharoitlarni yaratish, qo‘shimcha bino, sport zali va maydonlarini qurib berishni va'da qildi. Ammo negadir sport zali va maydonlari qurilmadi. Faqat 16 xonadan iborat qo‘shimcha korpus barpo qilindi. Lekin o‘quv yili boshida ishga topshirilishi belgilangan yangi korpus hali-hanuz ochilmadi. O‘quvchilar hali ham 2 smenada, qorong‘iga qadar o‘qimoqda. Jihozlar yo‘q deyishyapti. Maktabni jihoz bilan ta'minlash shunchalik qiyinmi? Mas'ullar nima deydi?”

“Suv quvuri o‘tkazamiz deb yo‘lni kovlab tashlashdi”

“Xorazm viloyati Shovot tumani Yangi Boroq mahallasidan murojaat qilyapmiz. Mahallamiz 2018 yilda “Obod qishloq” dasturiga kiritilib, ko‘chalarga shag‘al to‘kilgan edi.. 2022 yil boshida vodoprovod o‘tkazamiz deb, barcha ko‘chalarni qazib tashlashdi. Suv o‘tkazilgach, shag‘al to‘shab beramiz deyishgandi, lekin va'dani bajarishmadi. Bu borada amaliy yordam kutib qolamiz”.

Tag‘in o‘qing
23 iyun 2017
Shu oyda Turk davlat banki Ziraat bankasi Toshkentda o‘z filialini ochishi kutilmoqda. Bu haqda 20 iyun kuni O‘zbekiston Bosh ...
25 noyabr 2020
“Eltuz”ning O‘zbekiston Respublikasi Harbiy prokuraturasidagi bir-biridan mustaqil manbalariga ko‘ra, bu tashkilot rahbariyatida Bahodir Xudoyberdiev degan “zolim va o‘zboshimcha o‘rinbosar” ...
26 dekabr 2016
25 dekabr kuni shved politsiyasidan o‘zining deport qilingani haqidagi xabarni eshitgan 34 yoshli Javlon Muxsinov qo‘llari va qornini tig‘ ...
11 sentyabr 2018
Rassom KirpiEltuz.com
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...