Catira
22 may 2016

Qozoqning “Ur to‘qmoq” ertagi

Endi og‘aynilar chinlikni so‘zlasak bizning yurtda qachon janjal chiqsa suv talashib yoki yer talashib bo‘ladi.

Qozoq biyligi (hukumati) sug‘oriladigan va ekin eksa bo‘ladigan yerlardan 1 million 700 ming gektarini kim oshdi savdosiga qo‘yib qo‘ydi.

Kim oshdi savdosi degani bir spektakl-tomosha edi.

Yerlarni egasi oldindan balli. Qozoq elini ozg‘intoy qismini tashkil qilgan bir nechta boy ota shuncha yerni o‘zini qo‘liga o‘tkazmoqchi bo‘ldi.

Shu yerdan kunini kechirib yurgan o‘rtaxollar esa qashshoq yoki bomj bo‘lishga mahkum edi.

Qozoq bizni o‘zbekdan farqli bir oz dangal keladi.

Ular Nazarboevga qarab “Chol ket” deb namoyishga chiqishga azm qilishdi.

“Chol” (Nursulton Nazarboev) oldiniga el to‘lqinidan qo‘rqib yer sotish spektaklini to‘xtatib qo‘ydi.

El baribir tinchimadi. Qimirlashdan turmadi.

21 may kuni ko‘chaga chiqqan elni ustiga OMON tashlandi.

Endi Andijondagi kabi tarillatib otib tashlamayotganiga ham haq beraylik.

Men bir suratchi sifatida bir rasm tortib qo‘ydim.

Odatda rasmni o‘zi gapirishi kerak. Izox ortiqcha. Ammo voqealar qo‘shnining yerinda bo‘lgani bois ozroq tushuntirib qo‘ysam ne deysizlar baurlarim.

Rasm markazida Qozog‘istonlik inson huquqlari faoli Zauresh Batalovani OMON tarafidan qo‘lga olingani aks etgan. Zauresh Batalova endi bizni Yelena Urlaeva kabi faol.

Orqada “Chol ket” degan shior ko‘targan namoyishchi. Men uni tepa sochi tikka bo‘lgan xolda chizdim. Qozoq bir haqsizlikni ko‘rsa yuzi qizarib sochi tikka bo‘ladi. O‘zim kuzatganman.

Maydonga OMON dan tashqari militsiya ham tashlangan.

Qozoq militsiyasi o‘zbek mentlaridan sal insofli. Beshbarmoq yeb semirib ketganini aytmasak. Hullas qorinboy qozoq mentni ham suratini tortib qo‘ydim.

Endi janjalni yoritayotgan jurnalist bovurlarimiz ham bor maydonda. Ke ularni ham ko‘ngli qolmasin deb rasmga tirkab qo‘ydim. Qo‘lida aypad bilan rasm olib yotir.

Nursulton og‘ay yelbasini ho‘mraygan quyosh timsolida osmonga chiqarib qo‘ydim.

Har holda shu odamga hurmatim yo‘q emas.

Bori shu. Tilim bir oz qozoqchaga tortib ketdi. Ne qilay. Qovun qovundan rang oladi.

Sizning rassom Tuz
Eltuz.com

Tag‘in o‘qing
9 avgust 2018
Ayni paytda Toshkent arxitektura-qurilish instituti oldidagi chinorlarning bir nechasi ham tuman obodonlashtirish idorasi tomonidan kesib tashlangan. Rassom Tuz 2015 ...
17 aprel 2019
Prezident Shavkat Mirziyoevning mahalliy muqobillari mavjud import dorilarning davlat xaridlarini taqiqlash to‘g‘risidagi yaqinda qabul qilgan farmoni ijtimoiy tarmoqlarda noroziliklarga ...
11 may 2020
Bir manzara hech esimdan chiqmaydi. Adashmasam, 1996 yillar edi. O‘rda bozorida paypoq olaman deb, rastalar oralab yurgandim. Bir joyda ...
5 fevral 2021
Otga qoqqan taqadek, suvdan chiqqan baqadek, bir mirilik chaqadek – rassom Tuzchilarga salom! O‘zi chetga buqinub, shaxsiyatga to‘qinib, allakimga ...
Bloglar
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...
11 yanvar 2024
Qirg‘iziston parlamenti kecha, ya'ni 10 yanvarda ko‘pchilik ovoz bilan deputat Emil Jamg‘irchievni jinoiy javobgarlikka tortishga ...