Catira
27 may 2016

“O‘zbekavtosanoat” ishi bo‘yicha yana 50 kishi so‘roqqa chaqirildi

Joriy haftada Asakadagi mashina zavodida yana 50 kishi so‘roqqa tortilib¸ shaharni tark etmaslik borasida imzo chektirildi.

Bundan oldin o‘nlab kishilar GM Uzbekistan shirkatidagi jinoiy sxemalarda ayblanib hibsga olingan edi. Ozodlik radiosiga ko‘ra, qo‘lga olinganlar orasida O‘zbekiston MXX raisining qudasi, O‘zbekiston Soliq qo‘mitasi raisi Botir Parpievning yaqinlari bor.

Mashina janjali boshlanganidan beri o‘tgan bir oy ichida GM Uzbekistan boshqaruvining ta'minot bo‘yicha o‘rinbosari Ravshan Iskandarov va unga ko‘maklashgan Zaynobiddin Nizomov qamalgan edi.

2010 yildan beri o‘zbek avtokontsernini boshqarayotgan va ayni paytda “O‘zavtosanoat” hissadorlik shirkati boshqaruv raisi o‘rinbosari bo‘lgan Tohirjon Jalilov tovlamachilik yo‘li bilan shirkat pullarini o‘zlashtirganlikda gumonlanib, o‘tgan oyda hibsga olingan edi.

Jalilovning GM Uzbekistan korxonasi ishlab chiqargan mashinalarni Rossiyaga eskport qilishda noqonuniy sxemalar yordamida katta miqdordagi mablag‘larni o‘zlashtirganligi haqida Eltuz.com yozgan edi.

Ayni paytda mufattishlar Qozog‘iston hududida joylashgan va jinoiy to‘dalar tilida “otstoynik” deb atalgan avtojamloqni ko‘zdan kechirishgan.
O‘tgan bir oy ichida jamloqdagi mashinalar soni ozaygani aytildi.

Mufattishlarning dron uchqich ko‘magida olgan suratlarida avtojamloqdagi mashinalar soni uch mingdan sal ozroq ekani ayon bo‘ldi.

Atigi bir oy oldin bu jamloqdagi mashinalar soni ikki barobar ko‘p edi.

Eltuz.com muxbiriga ma'lum bo‘lishicha jamloqdagi Ravon rusumli avtomobillardan 200 tasi shu kunlarda Rossiyadagi haridorlar qo‘liga yetkazilgan. Ular pulini oldindan to‘lab kutib o‘tirgan haridorlar ekani aytiladi.

Rassom Tuz
Eltuz.com

Tag‘in o‘qing
2 may 2015
AQSh Davlat departamenti matbut vakili Jeff Ratke 1 may kuni Vashingtonda o‘tgan matbuot brifingida O‘zbekiston hukumatini uzoq yildan beri ...
19 dekabr 2016
Anqaradagi zamonaviy san'at galereyasida rus fotosuratchilarining “Rossiya turklar nigohida” ko‘rgazmasining ochilish marosimida va'z o‘qiyotgan Rossiyaning Turkiyadagi elchisi Andrey Karlov ...
11 iyun 2016
“Ko‘cha tozalash, paxta terimi yoki g‘o‘za chopig‘iga chiqariladiganlar ham endilikda o‘qituvchiyu do‘xtirlar bo‘lib qoldi”, – deydi Eltuz.com nashriga bugun ...
15 sentyabr 2017
So‘zsiz surat. Rassom Tuz Eltuz.com
Bloglar
25 may 2020
“Bi-Bi-Si” radiosi o‘zbek xizmati jurnalisti Muhammad Solihga: “Koronavirus pandemiyasi payti shunday chiqish qilishingiz o‘rinlimi? Buning ...
18 may 2020
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...
16 may 2020
O‘zbekistondagi, Qozog‘istondagi, Boltiqbo‘yidagi rus tilli ziyolilar va fuqarolar qanchalar aqlli, asosli argument keltirmasin, qanchalik do‘stona ...