Yakkabog‘da dehqonlarning bug‘doyi tortib olinmoqda

Bir haftadan buyon Yakkabog‘ tumanining Samoq, Beshkapa, Munjir, Novqishloq, Shirinbuloq, Serob qishloqlarida yashaydigan aholining lalmi yerda yetishtirgan bug‘doyi mahalliy hokimiyat tomonidan zo‘ravonlik bilan o‘rib olinyapti.

Rassom Elsevarning Eltuz.com nashriga jo‘natgan yangi hajviy surati ayni shu muammoni o‘zida aks ettirgan.

Xalqning lalmi yerlarda yetishtirgan bug‘doyiga militsiya xodimlarining qattiq nazorati ostida kombayn solinyapti. Bundan norozilar esa vaqtinchalik hibs qilinib, bug‘doy o‘rib olingandan so‘ng qo‘yib yuborilyapti.

Bu haqda xabar bergan Ozodlik radiosi, hokimiyat bu ish uchun qirqqa yaqin militsiya xodimi va oltita kombayn tashlagani haqida yozadi.

Dehqonlar hokimiyatdan hech qachon bunchalik zulm ko‘rmaganini aytishmoqda.

Rassom Elsevar
Eltuz.com