Catira
4 avgust 2016

O‘z TV Abdullajonni sunnat qildi

O‘zining mashhur «Abdullajon» filmi bilan tanilgan o‘zbek kinorejiseri Zulfiqor Musoqov o‘zining feysbudagi sahifasida Televidenie orqali tsenzura qalingan filmi yuzasidan yozgan ochiq xatini e'lon qildi. Bunda u O‘zbekiston Milliy teleradioshirkati raisi Alisher Jo‘raqulovich Xo‘jaevga e'tirozlarini bildirib, vandalizm sababini so‘radi.

rasm1757
Taniqli kinorejisser o‘z ochiq xatida tsenzuraga uchragan filmini tiriklayin qo‘li va oyog‘i chopilgan bolaga o‘xshatadi.

Musoqovga ko‘ra, 11 iyul kuni O‘z TV orqali namoyish qilingan “Vatan” filmining 8 epizodi kesib tashlangan.

Ma'lum bo‘lishicha ayni kinochining “Abdullajon” filmi ham “sunnat” qilingan tarzda namoyish qilinmoqda.

Taniqli qiziqchi Obid Asomovga ko‘ra o‘zbek mulozimlari kino qirqishga usta bo‘lib ketishgan:

«Alpomish degan ajoyib film olingan. Filmning boshida, oxirida umumiy hisobda 7-8 minutlik rol o‘ynaganman. Shu filmni ko‘rsatib turishadi bayramlarda, lekin mening joyimni qirqib tashlashadi. Bolalarim “Ada, sizni yana ko‘rsatmadi” deb qo‘yadi.

Obid Asomov suxbat davomida, taqiqning g‘alati jixatlariga xam to‘xtab o‘tadi. Masalan, u o‘zi ishtirok etgan filmlardagi epizodlar qirqib tashlanganidan xayratlansa, xorij filmlariga bergan ovozi bemalol efirga uzatilayotganidan mamnunligini aytadi.

«Alpomish» degan kinoda (mana shuncha joyida) o‘ynab qo‘yganman. Kinoni boshida, o‘rtasida va oxirida borman. …. o‘sha film Navro‘zda, Mustaqillikda qo‘yiladi, men o‘ynagan joylarini olib tashlashadi. Meni joyim yo‘q. Meni joyimni qirqib tashlashadi. Lekin, titrlarda borman. «Xovliqma rolida — Obid Asomov» degan yozuv bor. Basharam esa yo‘q. Lekin ovozim ketadi. Multfilmlarda, kinolarda. Masalan «Odin doma», Mirzabek bilan ovoz berganmiz, «Fantomas»ga ovoz berganmiz. Ovozim ketadi.

Xudoga shukur, hech bo‘lmasa ovozim ketyaptiku, deb qo‘yaman. Lintsenziyam bor, lekin chiqarishmaydi. Nega?…Bu savol xammani qiziqtiradi. Shu jumladan meni xam» degan edi besh yil davomida bergan ilk intervyusida, Obid Asomov.

«Xalqaro festivallarning oltita mukofotini qozongan, 11 yil davomida butun dunyo bo‘ylab tomoshabinlar muhabbatini qozongan film bunday namoyishdan keyin, tiriklayin qo‘li va oyog‘i chopilgan bolaga o‘xshab qolgan. Qanday noadekvat va yovuz odam qilgan bu kabi vandalizm aktini?» deya savol bilan yuzlanadi filmi tsenzuraga uchragan O‘zTV raxbariyatiga Zulfiqor Musoqov.

Rassom Tuz
Eltuz.com

Tag‘in o‘qing
13 may 2016
O‘qituvchilarga maosh o‘rniga berilayotgan «jo‘janing davlat kursi» bozor narxidan ikki baravar qimmat ekani haqida urg‘ulaydi Ozodlik radiosi. Eltuz.com Nukus ...
5 avgust 2023
Sariosiyo IIB xodimlari Umida Tursunovani Eltuzning so‘nggi maqolasi nashr etilganidan yarim soat o‘tib, soat 22:30 da shartli ravishda qo‘yib ...
23 iyul 2016
O‘tgan hafta Eltuz.com nashri Farg‘ona, Andijon, Namangan viloyatlari paxta dalalarini qurt bosgani va uni qo‘lda terib olishga odatdagidek, Xalq ...
28 oktyabr 2022
Aziz og‘a ini, opa singil qadrdonlarim. Mana xafta aylanib siz bilan birgaman.MS: Tuz og‘a, O‘zbekistonda “NIMA QILISh KYeRAK?”  RT: ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...