Catira
27 sentyabr 2016

Urilganlar sahnaga qaytishmoqdami?

“San'atimiz qiroli Sherali Jo‘raev, O‘zbekiston Xalq artisti Yulduzxonim Usmonova, O‘zbekistonda xizmat ko‘rsatgan artist, do‘stimiz Obidjon Asomovlar yana katta sahnalarimizga qaytishayotgan ekanlar” deya izohlaydi, keyingi paytlarda Shavkat Mirziyoevni madh qilishga bel bog‘lagan shoir Muhammad Ismoyil.

Biroq, bu “qirol va qirolichalar” katta sahnaga qaerdan qaytishayotgani, shu paytgacha qaerda bo‘lishgani, nima uchun katta sahnadan chetlashtirilganiga shoir izoh bermaydi.

Undan ilgari Yulduz Usmonova katta sahnaga chiqishdan umidvorligini aytib, Karimovning shogirdlari bo‘lgan, hokimiyat tepasiga kelayotgan amaldorlar tarafida bo‘lishini bildirgan edi.

Qiziqchi Obid Asomov esa hatto filmlardagi titrlar va u aks etgan tasvirlarning olib tashlanganini aytib, “O‘zim borman, basharam esa yo‘q!” deya nolingan edi.

Ayni Karimov davrida bir qancha artistlarning litsenziyadan mahrum qilingani, ayrim san'atkorlarning hatto mamlakatni tark etishga majbur bo‘lgani haqida xabarlar paydo bo‘lgan edi. Sahnaga qaytish mujdasini olganlar qatorida ilgari norasmiy taqiqda bo‘lgan taniqli artistlar Ortiq Otajonov va Bobomurod Hamdamovlar ham borligi iddao qilinmoqda.

Farrux Zokirov, Sevara Nazarxon, Shahzoda Matchonova, Shohruh rep, Feruza Jumaniyozova, Otabek Madrahimov, Ozoda Nursaidova,Farrux Soipov kabi san'atkorlarga qo‘yilgan taqiq sabablari ham u yoki bu davlat mulozimlariga borib taqaladi.

O‘tgan yili mashhur o‘zbek xonandasi Abdulaziz Karim mamlakatni tark etib Turkiya vatandoshligini olgan edi.

Boshqa tomondan, 23 centyabr kuni moliviy piramida yaratganlarga qarshi qonunni imzolagan Shavkat Mirziyoevning nima sababdan ayni piramidaga pul tikkani shov-shuv bo‘lgan Obid Asomov yoki Sherali Jo‘raevga yashil chiroq ko‘rsatishi kerakligi ham bizga qorong‘u.

Shuningdek, Shavkat Mirziyoevning o‘zbek san'atkorlarga ayniqsa qiziqchilarga toqati yo‘qligini aytishadi, agar “Bolalar”ni hisobga olmasa, u Rossiyaning “Laskovыy may” va Belarusdagi “Pesnyarы” guruhining “Vologda” qo‘shiqlarini ko‘proq sevarkan.

Rassom Adolat
Eltuz.com

Tag‘in o‘qing
8 dekabr 2017
5 dekabr kuni 51 yoshli tadbirkor Olim Sulaymonov oqlov hukmi bilan ozod qilindi. Prezidentga videoshikoyati ortidan 9 oy qamoqda ...
19 mart 2018
1972 yilda O‘zbekiston mustaqilligini talab qiluvchi uyushma tuzgani, Sovet Ittifoqiga qarshi kurashgani uchun KGB tarafidan qamoqqa tashlangan Mirtemir Mirabdullaev ...
16 iyul 2016
Askar chekila boshladi… – Xo‘p, nima bo‘ldi? – Suriyaliklarga vatandoshlik masalasi kun tartibidan tushdi… – Erdo‘g‘anni oliy ma'lumot olmagani ...
12 iyun 2020
Xalqaro mehnat tashkiloti (XMT) tomonidan bolalar mehnatiga qarshi kurash kuni deya belgilangan bu sana har yili 12 iyunda nishonlanadi. ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...
20 noyabr 2020
Bugun kechqurun gazim yonmadi, o‘zi shundoq ham past yonardi. O‘tin-ko‘mir g‘amlamagandim. Kichkina elektrpech o‘zini o‘zi ...