Catira
13 mart 2017

Yaxshi Shavkat va yomon rustamlar haqidagi ertak ishtiyoqi

Ertaklar odatda erishilmas orzularning hayoliy ifodasidir.

O‘zbek xalq ertaklari odil podsho va yovuz vazirlar makri haqidagi syujetlar bilan to‘la.

O‘zbekistonga 27 yil hukmronlik qilgan Karimov o‘lgani ortidan mamlakat rahbarligini egallagan Shavkat Mirziyoev obrazi ertak ishtiyoqmandlari uchun ilhom manbai bo‘ldi.

“Ana endi hammasi yaxshi bo‘ladi” deguvchilar ichkarida ham tashqarida ham birday urchidi.

Go‘yo butun muammolarni “yangi podsho” yechib beradi, ersizlarga er, yersizlarga yer, ochlarga non, yalang‘ochlarga kiyim…

Ammo muammolar eskichasiga qolavergach, ertak repertuariga “Podsho yaxshiyu vazir yomon” degan epizod qo‘shildi.

Ëmon vazir roli O‘zbekiston MXX raisi Rustam Inoyatovga ravo ko‘rildi.

Emishki, “yaxshi podsho adolat eshiklarini ochmoqchi bo‘lganida MXX raisi tambalabdi”.

“Shavkat aka konvertatsiyani ochmoqchi edi, Rustam aka ko‘nmadi, chunki MXX raisi o‘zbek so‘mining to‘rt xil kursini o‘zi uchun qaynar humchaga aylantirgan”

“Shavkat aka chiqish vizasini bekor qilmoqchi edi, ammo MXX raisi istamadi, chunki…”

“Shavkat aka o‘zidan oldingi prezident Karimovning kuyovi Temur Tillaevni tanobini tortmoqchi edi… Shavkat aka, mashinalar rastamojkasini yengillashtirmoqchi edi…”

Hullas ertak ko‘p. Ertak asosan yosh bolalar uchun aytiladi, bolalarga uxlash oldidan o‘qib beriladi.

Bizga ertak emas aniq ma'lumot kerak. Biz ertak eshitib uxlaydigan yoshdan o‘tdik. Ammo rasmiy Toshkent o‘z sirlari ustiga ko‘rpa tortganicha o‘tiribdi.

Aniq ma'lumot olish uchun Londondan Toshkentga borgan BBS jurnalisti Hamid Ismoyil O‘zbekistonga kiritilmadi.

Aniq ma'lumot berishi mumkin bo‘lgan huquq himoyachisi Yelena Urlaeva jinnixonaga qamaldi.

Aniq xabar o‘rniga ertagu rivoyatlar bir biriga zanjir halqalari kabi ulanmoqda.

Ayni paytda islohotchi Shavkat va uning islohot g‘ildiragiga tayog‘ini tiqqan Rustam haqidagi ertakning davomini kutgan rassom Tuz prezident va MXX raisi o‘rtasidagi “tortishuvni”ni o‘zicha tasvirladi.

Rassom Tuz
Eltuz.com

Tag‘in o‘qing
31 mart 2017
Amnesty International tashkiloti 31 mart kuni «Qayda bo‘lma biz seni topamiz» deya nomlangan hisobotini chop qildi. Ayni hisobotida, inson ...
15 noyabr 2022
Xorazmda masjid qurilishiga oid e'lonlardan kelib tushgan 40 million so‘mni “tuya qilgan” imom-xatibga jinoyat ishi qo‘zg‘atildi. Andijonda esa Umraga ...
21 may 2021
Oshiqlaring poyingga gul otib ham bo‘ldi, Xilvatlarda labingdan bol totib ham bo‘ldi Va bu haqda kimlargadir sotib ham bo‘ldi ...
16 sentyabr 2019
Sorri, albatta, biroq men progressiv Prezidentimizning kechagi farmonini tushunmadim. Nimaga to‘y industriyasini buzish kerak? Hozir to‘y an'analaridan, ayniqsa, badavlat ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...