Tovuqqa to‘ygan shoqollar qo‘ylarga hujum qilmoqda

Farg‘ona viloyatida shoqollar to‘dasi uch kun ichida 22 ta qo‘yni bo‘g‘izlagani ortidan mahalliy hukumat 20 martdan boshlab ularni yo‘q qilishga kirishdi.

O‘tgan hafta, bunday voqea birinchi marta sodir bo‘layotganini yozgan Ozodlik radiosi, ilgari shoqollar faqat tovuq va jo‘jalarni olib ketganini bildiradi.

Ayni mavzuga ijodiy yondosharkan, rassom Elsevar bu hodisani Mirziyoevning tovuq boqish haqidagi mashhur qaroriga bog‘laydi.

Shu yilning boshida Mirziyoev Respublikada hammaga yuztadan tovuq boqishni buyurgan. Buning nazoratini, Bosh vazir o‘rinbosari Rustam Azimovga topshirgan edi.

«Balki, shoqollarning me'dasiga urgandir tovuqxo‘rlik», deydi bu haqdagi manzarani masal tarzida aks ettirgan rassom Elsevar.

Rassom Elsevar
Eltuz.com