Catira
11 aprel 2017

O‘zbek internet nashrlari Abduxoliqov nazoratiga o‘tmoqdami?

Mart oyining oxirlarida rus tilida chiqadigan Uzmetronom sayti «ishonchlik manbalari»dan iqtibos qilib, O‘zbekiston elektron ommaviy axborot vositalari milliy assosiatsiyasi UZ territoriyasidagi nashrlarni o‘z nazoratiga olayotgani haqida yozdi.

Hususiy radio va telekanallarni birlashtirgan bu assotsiatsiyaning raxbari Firdavs Abduholiqovdir.

Uni samarqandlik «mediamagnat» ham deyishadi va u ilgari Gulnora Karimova doirasiga yaqin bo‘lgan.

Maqolada tasdiqlanishicha, agar ommabop internet saytlari Abduholiqovning Assotsiatsiyasiga a'zo bo‘lishsa, u orqali raxbarlarga «hukumat va matbuot munosabatlari masalalari»ni yechish oson bo‘ladi.

Bu xabar ortidan Eltuz muxbiri O‘zbekiston Matbuot va axborot agentligidagi mulozim bilan bog‘lanib masalaga oydinlik kiritdi.

Mulozimning aytishicha, internet nashrlar Abduxoliqov nazoratida bo‘lgan NAESMi tashkilotiga, rasman o‘z ixtiyorlari bilan, assotsatsiyaviy a'zo sifatida kirgan.

Ayni paytda Eltuzning o‘rganishicha, Bosh vazir Abdulla Aripov UZ domeni asosida faoliyat yuritayotgan nashrlar nazoratini Firdavs Abduxoliqovga topshirgan. Bu nashrlar ixtiyoriy-majburiy formatda NAESMIga a'zo qilinmoqda.

Eslatib o‘tamiz, Firdavs Abduholiqov mamlakatdagi bir qator nashr uylari va ommaviy axborot vositalari, jumladan Samarqanddagi STV telekanali, «Darakchi» va «So‘g‘diyona» nashrlari egasidir.

1992-1995 yillarda O‘zbekistonda nodavlat telekanal va gazeta ochish bilan birga 2004 yildan buyon mamlakatdagi 60 dan ortiq axborot vositasini birlashtirgan O‘zbekiston elektron ommaviy axborot vositalari milliy assotsiatsiyasiga rahbarlik qilib keladi.

Bundan tashqari, keyingi yillarda u O‘zbekiston prezidentining qizi Gulnora Karimova yetakchiligidagi FondForum tashkiloti tadbirlarida ham faol ishtirok etayotgan amaldorlardan biri sifatida ko‘zga tashlangan edi.

Gulnora Karimova inqirozga uchragan 2013 yili prokuratura tarafidan so‘roq qilinib, unga oid «Darakchi» gazetasi yopib qo‘yilgan, Abduxoliqov 2014 yil bahoridan boshlab o‘z mavqeini qayta tiklagan edi.

NAYeSMI kanallari o‘zbek rejimi uchun istalmagan arboblar hisoblangan Muhammad Solih, Obid Qori, Alisher Soipovlar haqida va “Ozodlik” jurnalistlariga tahdid qilingan ko‘rsatuvlar va huquq faollariga qarshi MXX tayyorlagan ko‘rsatuvlarni efirga berib kelgan.

Eltuz.com

Tag‘in o‘qing
24 dekabr 2016
Arkadiy Shayxet (1898 – 1959 yy.) sovet mafkuraviy fotoreportaj sohasining ko‘zga ko‘ringan arbobi. Uqubatli hayotni “maftunkor haqiqatga” aylantirish bo‘yicha ...
17 noyabr 2016
Internet va media sohasi O‘zbekistonda dunyoda eng keskin nazorat qilinadigan davlatdir. «Freedom House» har yili o‘tkazadigan Dunyo bo‘yicha Internet ...
28 fevral 2018
O‘zbekiston Milliy xavfsizlik xizmati sobiq raisi, qo‘li uzun Rustam Inoyatovning o‘g‘liga tegishli ko‘chmas mulklar haqida Open Source Investigations (OSI) ...
8 iyun 2022
Xorazmning Urganch shahridagi rus tiliga ihtisoslashtirilgan maktabda shu maktab direktorining rus tilidagi ohangi tarmoqlarda muhokamalarga sabab bo‘ldi. “Eltuz” muxbirining ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...