Sevgi haqida 18 yoshdan keyin o‘qiymizmi?

Hukumat «Bolalar sog‘lig‘iga zarar yetkazuvchi axborotdan ularni himoya qilish to‘g‘risida»gi qonun loyihasini muhokamaga qo‘ydi.

Bu qonun kuchga kirsa, hukumat ekspertlari bolalar o‘qiydigan nashrlarni yoshiga qarab yomon-yaxshiga ajratishi kerak.

Masalan, Qodiriyning «O‘tgan kunlar» yoki Mopassanning «Azizim» romanini o‘qish 18 yoshgacha ruhsat etilmasligi mumkin.

Chunki u yerda katta yoshdagi qahramonlarning sevgi mojarolari tasvirlangan.

Bu tushunarli, ammo loyihada tilga olingan «oilaviy qadriyatlarni inkor etadigan» toifaga qaysi asarlarni kiritamiz?

«Ota-onalar va oilaning boshqa a'zolariga nisbatan hurmatsiz munosabat» aks etgan toifagachi?

Hullas, 29 aprelgacha muhokama qilinib Senatga taqdim etiladigan bu mantiqsiz qonun loyihasi atrofida javoblardan ko‘ra, savollar ko‘p.

Masalan, bolalarni «noma'qul» asarlardan himoya qilish tizimini yaratish haqida aytiladi. Lekin, uning qanday amalga oshirilishini tasavvur qilish qiyin.

Kitob do‘koni yo kutubxona oldida pasport nazorati o‘rnatiladimi? Uydachi?

Kitobdan ko‘ra, planshet, smartfon o‘qish afzalligi e'tiborga olinsa, ko‘zlangan nazorat tizimi qanday ishlaydi?

Rassom Elsevar bolani «noma'qul internet nashri»idan to‘smoqchi bo‘layotgan o‘zbek mirshabini hajv qiladi.

Qonun kuchga kirarkan, «Bolalarimizning ko‘zlarini to‘sayotgan kim?» degan savolni hali ko‘pchiligimiz takrorlasak kerak?

Rassom Elsevar
Eltuz.com