Kelinlar qo‘zg‘oloniga qarshi – qaynonalar kengashi

O‘zbekistonning 8 mingdan ziyod mahallalarida «Qaynonalar kengashi» faoliyat boshladi. Xotin qizlar qo‘mitasining yangi qaroridan ayollar orasida taassuf bildiruvchilar ham ko‘paydi.

«Bu qaynonalar, qanday rakursda to‘g‘ri seks bilan shug‘ullanishni o‘rgatadimi? Menimcha bu guruhning katta bir intim muammolari bor», dedi bu xabarni feysbukdagi lentasiga qo‘ygan toshkentlik aktrisa Olesya Nedobegova.

«Endi institutma institut yurishadi. Shu xotinlar o‘z yig‘ilishlari bilan jonga tegishgandi» deya yozdi Madina To‘xtaboeva ismli yuzer.

«Qaynona! Bu diskriminatsiya…» degan fikrni yozdi Gavharshodbegim Ahmedova.

Kimdir, endi «qaynatalar kengashi»ni ham tuzish kerak deb mutoyiba qildi.

«O‘zimni kulgidan to‘xtata olmayman, yaqinda mahallalarda otishma boshlanadi. Bekor qurolga ruhsat berishdimi» dedi Karina ismli yana bir ayol.

Bu haqda xabar bergan O‘zA agentligi Xotin qizlar qo‘mitasi raisi o‘rinbosari Gulnora Marufova so‘zlarini iqtibos keltiradi:

«Oila tinchini buzadigan jiddiy ziddiyatlarni oldini olish va oila birligini saqlash – ko‘p jihatdan qaynonalar zimmasidadir»

Rasmiy xabarga ko‘ra, ushbu jamoatchilik tizilmasi, keksa ayollarning hayot tajribasini yoshlar orasida keng yoyish maqsadida tuzilgan.

Rassom Tuz
Eltuz.com