Catira
17 oktyabr 2017

Prezidentning kuyovi Ramzanni qaynatasi bilan nega uchrashtirdi?

O‘zbekiston prezidenti Shavkat Mirziyoev 16 oktyabr kuni Checheniston rahbari Ramzan Qodirovni qabul qildi.

Londondagi Sharqshunoslik va Afrika tadqiqotlari markazining O‘zbekiston bo‘yicha tahlilchisi Alisher Ilhomovning aytishicha, Ramzan Qodirovning o‘zbek prezidenti qarshisida harbiy uniformada paydo bo‘lishi, uning Toshkentga qandaydir biznes emas, balki soldat sifatida kelganini anglatadi.

«Mirziyoev aftidan o‘zining havfsizligiga mas'ul xizmatlarga unchalik ham ishonmaydi. Ikkinchi vazifa – bu o‘zgacha fikrga, iqtidordagi rejimning mamlakat tashqarisida qolayotgan muxoliflari va tanqidchilariga qarshi kurash bo‘lishi mumkin» deya yozadi Alisher Ilhomov o‘zining feysbuk sahifasida.

Karimov davrida O‘zbekistondan masofada tutilgan Qodirovning O‘zbekistonga safari davomida unga prezidentning kuyovi Oybek Tursunov muntazam hamrohlik qilgani kuzatildi.

Ramzan Qodirovning Toshkent safaridagi matbuot nazaridan chetda qolgan jihatlardan biri, Rossiya kriminal avtoritetlarining O‘zbekistondagi faoliyati uchun “ma'qul fazo yaratish” dedi «Eltuz» muxbiri bilan gaplashgan O‘zbekistondagi “jinoyat olami”ni ichdan biluvchi yana bir shaxs.

Uning iddao qilishicha, so‘nggi kunlarda Toshkentdagi mavjud kriminal “avtoritetlar” “neytralizovat” qilinib o‘rniga “ramzanparast” gruppa vakillari “tayinlangan”.

Abbos Xodjaev

14 sentyabr kuni Toshkent Ichki ishlar idorasi sayti kriminal avtoritet sanalgan Abbos Xodjaevning qo‘lga olingani haqida yozdi.

“Rossiyadagi Ramzanga sodiq «vor zakonlar» Xodjaevning o‘rniga o‘z odamini qo‘yishdi», dedi «Eltuz» nashri manbasi.

Uning aytishicha, “Toshkent shahrining «smotryashiysi» bo‘lgan Abbos Rossiya kriminal avtoritetlari nazoratida bo‘lishni rad qilgani uchun «neytralizovat qilingan».

Manbaning ta'kidicha, O‘zbekistonning Rossiya, hususan Chechen kriminal dunyosi nazoratiga o‘tishiga 16 sentyabrda Toshkentdagi «Brend» tungi klubida o‘tgan «sxodka» davomida qaror berilgan.

“Kremlga vafodor bo‘lmagan Abbos Xodjaevni” tutish amaliyotiga shaxsan Toshkent shahar Ichki ishlar boshqarmasi boshlig‘i Ulug‘bek Tursunov rahbarlik qilgan.

Polkovnik Ulug‘bek Tursunov prezident Shavkat Mirziyoevning to‘ng‘ich kuyovi Oybek Tursunovning akasidir.

Mirziyoev havfsizlik masalasida o‘z maxsus xizmatlariga nega ishonmaydi?

Londonlik tahlilchi Alisher Ilhomovga ko‘ra, bu MXXning o‘z imidjini oqlashga intilishi bilan bog‘liqdir.

«Slujbistlar Karimovga qasamyod keltirishgan edi, biroq ular Mirziyovga qasamyod qilishni istashmayapti. Bu kontora karimov rejimi muxoliflarini bartaraf etish uchun ilgari ham kriminal-mafioza xizmatiga chopgan edi, biroq Shvetsiyadagi surishtiruvlar qaerdan «quloq» chiqayotganini namoyish etdi. Aftidan prezidentga endi uchinchi kuchlarning politsiyachilik vazifasini olib kirishga to‘g‘ri kelayapti» deydi tahlilchi.

Biroq, uning o‘z manbalariga tayanib yozishicha, prezident «yollanma xizmatga choparkan», bundan ko‘p narsa yo‘qotishi mumkinligini hisobga olmayapti.

Agar Mirziyoeva tashqi kuchlar ko‘magida, mamlakat tashqarisidagi o‘z muxoliflari va tanqidchilariga qarshi kurashga bel bog‘lagan bo‘lsa, u xalqaro banditizmga sheriklikda ayblanishi mumkin.

«Bu yil u obro‘-e'tibor nuqtai nazaridan, xalqaro miqyosda qandaydir ochkolar oldi. Buning barini u bir soat ichida yo‘qotishi, Xalqaro sahnada Islom Karimov kabi yakkamoxovga aylanishi mumkin», deydi londonlik tahlilchi Alisher Ilhomov.

Rassom Tuz
Eltuz.com

Tag‘in o‘qing
21 iyun 2021
«Paxtakor»ning kelib chiqishi turk, lekin shveytsariyalik Derdiyok (o‘zbekchasiga Dardiyo‘q) degan futbolchisi bor. Yillik maoshi 1,3 million yevro ekan. O‘zbekchasiga ...
4 oktyabr 2017
Hamkasbim Bobomurod Abdullaevni O‘zbekiston konstitutsiyasini fitna (zagovor) vositasida ag‘darishga urinishda ayblab chiqishdi. Bobomurod Abdullaevning 2003 yildan beri Usmon Haqnazarov ...
12 may 2016
Shu kunlarda o‘ndan ortiq “O‘zavtosanoat” xodimlari va ustalar zudlik bilan Rossiyaga hizmat safariga jo‘natilgan. GM Uzbekistan zavodidagi muhandisning Eltuz.com ...
14 dekabr 2022
O‘zbekistondagi energetika sohasidagi absurdliklar, putinoid o‘risqullar va din tujjori tolibon kallalarning qora fonida Amerika olimlaridan dunyoni sevintiruvchi bir xushxabar.  ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...