Catira
30 oktyabr 2017

Lola Tillaevaning so‘z erkinligiga oid postidagi qusur nimada?

Islom Karimovning kenja qizi Lola Tillaeva instagram sahifasida so‘z erkinligi insonlarning eng muhim huquqi ekani haqida yozdi.

Bu huquqqa izoh berarkan, «erkaklar va ayollarning tengligiga asoslangan, har bir shaxs fikri, tuyg‘ulari va qarashlari mujassam oliy qadriyat», dedi uzoq yillar davomida Yevropa va Amerikada yashagan Tillaeva.

Lola Tillaeva fikr erkinligiga toqatli ekanligini hech qachon ko‘rsatmagan. 2011 yili otasini diktator deb atagan Rue89 frantsuz nashri jurnalistlari bilan sudlashgan edi.

O‘tgan haftada esa oilaviy biznesiga taalluqli yashirin ofshor sxemalarga oid tekshiruvlar natijasini e'lon qilgan G‘arbdagi bir necha nashrlarni huquqiy javobgarlikka tortish bilan tahdid qilgandi.

Aynan Islom Karimov davrida uning qizi ta'kidlayotgan «fikr, so‘z, ifoda erkinligi» huquqidan foydalangan shaxslar turmalarga tashlandi.

Aynan Islom Karimov davrida 159-modda kabi haddan tashqari kengaytirilgan va o‘zgacha fikrdagi har qanday shaxsga qo‘llanishi mumkin bo‘lgan dahshatli jazo moddasi Jinoyat kodeksiga kiritildi.

So‘nggi misol, Islom Karimov o‘limidan keyin ham o‘zgarmagan tartibda 159-modda qo‘llanilib, 27 sentyabr kuni jurnalist Bobomurod Abdullaev qamoqqa olindi.

Paradoks shundaki, «o‘z qarashlarini erkin ifoda etish» har bir shaxsning muhim huquqi ekani haqida hech qanday erkinliklarga o‘rin bo‘lmagan tizimni yaratgan prezident Karimovning qizi, uzoq yillar O‘zbekistonning Yuneskodagi elchisi bo‘lgan Lola Tillaeva gapirmoqda.

Rassom Tuz
Eltuz.com

Tag‘in o‘qing
11 avgust 2020
O‘zbekiston Senatining 7 avgust kuni ochilgan oltinchi yalpi majlisida parlament yuqori palatasi raisi Tanzila Norboeva mamlakatda korruptsiya avj olganini ...
8 sentyabr 2015
O‘zbekiston hukumati, XMT, Umumjaxon banki, Xalqaro Kasaba uyushmalari konfederatsiyasi, Xalqaro ish beruvchilar tashkiloti, BMT, Yunisef, Yevropa Ittifoqi shuningdek, AQSh, ...
8 sentyabr 2016
Sahnaga chiqish ilinjida bir vaqtlar Karimovni madh etgan xonanda, o‘z videomurojaatida endi Karimov sistemasi, shogirdlari va vazirlarini maqtab ko‘klarga ...
24 fevral 2024
Saylov bu demokratiyaning umurtqa pog‘onasi. Har bir vatandosh parda bilan o‘ralgan xonaga kirib, o‘z siyosiy irodasini bildirib iqtidor vektoriga ta'sir ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...