Catira
20 dekabr 2017

Prokurorlar o‘z mol-mulkini oshkor qiladimi?

O‘zbekistondagi huquq-tartibot xodimlariga daromad va mol-mulklarini deklaratsiyalash majburiyati yuklatilishi haqida qonun loyihasi tayyorlanmoqda.

«Qonun loyihasida mansabdor shaxslar, shu jumladan, huquqni muhofaza qiluvchi organ xodimlari daromadlarini deklaratsiya qilishni nazarda tutgan bo‘lim va normalar ko‘zda tutilgan. Bugungi kunda qonun tayyorlash jarayoni ketmoqda. Qonun qabul qilingandan so‘ng tegishli choralar amalga oshiriladi», — deb ta'kidladi Bosh prokuratura boshqarma boshlig‘i o‘rinbosari Bahrom Qobilov Xalqaro press-klub yig‘ilishi chog‘ida.

Ayni kunlarda «Bosh prokuratura xodimlari daromadlarini deklaratsiyalash jarayoni xalqaro umume'tirof etilgan amaliyotni hisobga olgan holda amalga oshirilmoqda», degan prokuratura mulozimi tafsilotlarga to‘xtalmagan.

O‘zbekiston prokuraturasi tizimidagi xodimlarning “sakson foizi o‘g‘ri”, degan edi O‘zbekistonning joriy prezidenti Shavkat Mirziyoev videoselektor majlisida.

«Eltuz» tasarrufida O‘zbekistonning sobiq Bosh prokurori Rashidjon Hamidovich Qodirovning korruptsiya yo‘li bilan qo‘lga kiritgan mol-mulklari haqida hujjatlar bor.

Sobiq prokurorning Latviyadagi uylaridan biri

Bu hujjatlarga ko‘ra, 1952 yili Andijonda tug‘ilgan Rashid Qodirov O‘zbekistondagi yashirin boylardan biridir.

Dunyoning o‘ndan ortiq mamlakatida Rashid Qodirov oilasiga oid mol-mulk borligi iddao qilinadi.

«Eltuz» tasarrufida Rashid Qodirov mulki deb ishonilgan Latviyadagi ikkita villaning fotosurati ham bor.

«Eltuz» muxbirlari bu ikki villaning Qodirov oilasiga tegishli ekani haqidagi Latviya ko‘chmas mulk reestrlariga doir hujjatlarni ko‘rgan.

Rasman tasdig‘ini topmagan ma'lumotlarga ko‘ra, Qodirovning Shveytsariya, Avstriya va Chexiyada ko‘chmas mulklari bor.

O‘zbekistonda prokuratura xodimlari jamiyatning norasmiy boy qatlami sifatida bilinadi. Toshkentning Chilonzor tumanida joylashgan prokuratura binosining oldi uzoq vaqt mobaynida “qimmat mashinalar ko‘rgazmasi» sifatida avtohavaskorlar diqqatida bo‘lib kelgan.

«O‘zbekistonda eng qimmat mashinalarni prokuraturaning oddiy xodimlari minib yuradi», deydi hashamatli avtomobillar ishqibozi bo‘lgan toshkentlik kirakash.

Urganchlik notarius xodimining aytishicha, shu kunlarda mahalliy prokuratura xodimlari o‘zlariga oid mol-mulklarni zudlik bilan uzoq qarindoshlari nomiga o‘tkazishmoqda.

Rassom Tuz
Eltuz.com

Tag‘in o‘qing
26 sentyabr 2017
26 sentyabr kuni tanqidiy fikrlari uchun o‘zbek hukumatining qora ro‘yxatiga kiritilgan 63 yoshli yozuvchi Nurilla Otaxonov Turkiyadan Toshkentga yo‘l ...
26 yanvar 2022
Hammani avval kuldirib, keyin yig‘latgan atoqli o‘zbek adibi, O‘zbekistonda xizmat ko‘rsatgan madaniyat xodimi, taniqli dramaturg, O‘zbekiston Yozuvchilar uyushmasi a'zosi ...
2 aprel 2024
Salom qadrli muxlislar, Eltuz portaliga kelgan navbatdagi 5 ta maktubni o‘qib eshittiramiz, ular O‘zbekistonning Jizzax, Namangan, Toshkent, Sirdaryo va Xorazm viloyatlaridan kelgan. Xatlar oqimi davom etmoqda, muammolar yechimini to‘liq ta'minlash uchun kanalimizga obuna bo‘lish, layk bosish ...
9 fevral 2018
yoxud Turkiyada erga tegib olayotgan o‘zbek ayollari haqida 35 yoshli Muslima Turkiyaga ishlagani borayotganida turmushga chiqishni orzu qilmagandi. Avvaliga ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...