Catira
27 fevral 2018

Yirik korruptsioner o‘g‘rilar ortidan aymoqlarini qamoqqa tortishmoqda

Sobiq bosh prokuror Rashid Qodirovning 23 fevral kuni hibs etilishi ortidan yana bir qancha mulozimlarning qo‘lga olingani «Eltuz»ga ma'lum bo‘ldi.

Qodirovning sobiq o‘rinbosari Ulug‘bek Sunnatov, sobiq davlat maslahatchisi Jamshid Fayziev, Bosh prokuraturaning uyushgan jinoyatchilik va korruptsiyaga qarshi kurashish boshqarmasi sobiq boshlig‘i Ulug‘bek Xurramov, Toshkent shahri prokurorining korruptsiya va iqtisodiy jinoyatlar bo‘yicha o‘rinbosari Mirag‘lam Mirzaev shular jumlasidan.

Shuningdek, sobiq bosh prokuror ishi bo‘yicha gumondorlarning qarindoshlari, masalan, Farhod Mamajonov, Mirag‘lam Mirzaevning xotini va farzandlari ham tergov qilinmoqda.

Ayni paytda cobiq bosh prokurorning o‘g‘li Alisher Qodirovning O‘zbekistondan qochib ulgurgani haqida «Eltuz»ga xabar keldi.

Ma'lumotlarga ko‘ra, Alisher Qodirov bir qancha tijorat shirkatlari bilan bir qatorda «Konsul» xususiy advokatlik idorasi rahbari bo‘lgan.

Uning advokatlik idorasi orqali prokuratura bilan bog‘liq masalalarni «hal qilish» narxi 250 ming dollardan 20 million dollargacha bo‘lgan.

Shuningdek, Rashid Qodirovdan sal ilgari qamalgan MXX podpolkovnigi 42 yoshli Nodir To‘raqulovning hibsga olinishi ortidan uning qudasi Erkin Norqobilovga nisbatan ham jinoyat ishi ochilgani haqida «Eltuz»ga xabarlar keldi.

Erkin Norqobilov ham sobiq bosh prokurorning o‘g‘li kabi qochishga ulgurgan va hozirda u qidiruvga berilgan.

Nodir To‘raqulov va Erkin Norqobilovga tegishli barcha boylik, turar joy, avtomashinalar musodara qilingan.

Bu ma'lumotlar prezident Mirziyoevning qamoqqa olingan MXX amaldorlari «bulbuldek sayrayotgani» haqidagi gaplari ortidan yuzaga chiqyapti.

Rassom Kirpi
Eltuz.com

Tag‘in o‘qing
9 oktyabr 2017
Kuni bilan yomg‘ir tinimsiz yoqqan bo‘lsa-da, Marg‘ilon va Qo‘qon shahridagi temiryo‘l stantsiyasi odamlar bilan gavjum bo‘ldi. Hasharchilar “O‘zbekiston temir ...
17 aprel 2022
(Taniqli shoir va siyosatchi Muhammad Solihning “Imperativ” kitobidan 44-qism. Audiokitob matnini muallifning o‘zi o‘qigan. Davomi bor.) Paul Valeri amerikalik ...
21 fevral 2023
Jurnalist Rahimjon Rahmat yozadi: Shu,  kam ta'minlangan toifa allada aziz,  to‘rvada mayizga aylanib ketyapti.  Mayli,  kambag‘al toifalarga un, yog‘,  ...
23 dekabr 2019
2015-2017 yillarda O‘zbekiston fuqarolarining “buzuqlar maskani” deb e'lon qilingan kvartiralari va uylarini ommaviy ravishda musodara qilish holatlarini o‘rganish muhim ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...