Catira
9 mart 2018

Prokurorlar qamaldi, qochgan MXXchilar ushlandi

O‘tgan o‘n besh kun ichida O‘zbekistonda Rashid Qodirovning hibsga olinishi ortidan prokuratura tizimidagi korruptsioner amaldorlarning birin-ketin ushlanishi kuzatildi.

Jumladan, 6 mart kuni MXXning terrorizm va uyushgan jinoyatchilikka qarshi kurash bo‘linmasi sobiq boshlig‘i 42 yoshli Abdurashid Mirzaev qochib ketayotgan payti aeroportda ushlandi.

Bundan ilgari Abdurashidning otasi, Toshkent shahri prokurori o‘rinbosari 68 yoshli Mirag‘lam Mirzaevga jinoyat ishi ochilgandi.

Abdurashidning onasi, Yunusobod tumani advokatlar hay'ati rahbari Muhabbat Hasanova ham ushbu jinoyat ishi yuzasidan tergov qilinayotgani haqida xabarlar ochiqlangandi.

Shuningdek, «Eltuz» nashri hibsga olinib, IIV yerto‘lasida tergov qilinayotgan Toshkentdagi «Infinbank» rahbari 43 yoshli Farhod Mamajonov ishi tafsilotlarini ham o‘rgandi.

Unga tegishli bankdan sobiq Bosh prokurorning ko‘p millionli korruptsiya pullari Dubay va Latviya orqali Shveytsariya banklariga o‘tkazib kelingan.

Ayni yirik korruptsion sxema tepasida turgan sobiq Bosh prokuror Rashid Qodirovning o‘g‘li 39 yoshli Alisher Qodirov O‘zbekiston IIV tomonidan qidiruvga berilgan.

«Eltuz» tasarrufidagi ma'lumotlarga ko‘ra, Toshkent viloyati Zangiota tumanida faoliyat yuritayotgan va bir martalik shpritslar hamda boshqa dori-darmonlar ishlab chiqaradigan “Asia Trade” shirkati muassisi hozir qamoqda qolayotgan Rashid Qodirovning qidiruvga berilgan o‘g‘li Alisher Qodirovdir.

Sobiq Bosh prokuror Rashid Qodirov, «Eltuz» nashri ilk bor xabar berganidek, 22 fevral kuni hibsga olingan edi.

So‘nggi kunlarda O‘zbekiston kuchishlatar tizimidagi bir guruh korruptsionerlarning ushlanishini rassom Dumham o‘zining yangi karikaturasida aks ettirdi.

Rassom Dumham
Eltuz.com

Tag‘in o‘qing
23 oktyabr 2020
Gulnora Karimovaning qizi Imon o‘zining feysbuk sahifasida 22 oktyabr kuni yozishicha, Zangiotadagi 21-koloniyada saqlanayotgan onasining sog‘lig‘i ancha yomonlashgan va unga ...
20 yanvar 2017
Farg‘ona viloyatida xalq ta'limi va boshqa byudjet tashkilotlari xizmatchilari bug‘doy ekilgan dalalarga mahalliy o‘g‘it – go‘ng sochishga chiqarildi. «Tuman ...
20 mart 2023
O‘zbekiston prezidenti Mirziyoev, Turkiyalik saylovchilarni may oyida bo‘lib o‘tadigan prezident saylovida 20 yildan beri hokimiyatda bo‘lgan Erdo‘g‘an nomzodini “to‘liq ...
6 yanvar 2020
O‘zbekiston “Erk” Demokratik partiyasi lideri Muhammad Solih 1992 yilning 16 yanvarida poytaxtning Talabalar shaharchasida sodir bo‘lib isyon va undan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...