Catira
9 aprel 2018

Prezident kelishiga devor bo‘yamagan faol jazolandi

Prezident Shavkat Mirziyoevning kelishiga yo‘l chetidagi uyi devorini sariqqa bo‘yamagani uchun sirdaryolik huquq faoli Isroil Rizaev uch million so‘m jarimaga tortildi.

«Ezgulik» jamiyati faoli Isroil Rizaevning «Ozodlik» radiosiga bildirishicha, uyi devorini bo‘yashdan bosh tortgach, tuman militsiya bo‘limi boshlig‘i Elyor Abdullaev Majburiy ijro byurosi xodimlarini chaqirtirgan. Keyin esa «elektr haqini to‘lamagan», degan bahona bilan jarima solingan.

Militsiya boshlig‘i xunuk ko‘rinyapti, deya Rizaev yashaydigan uyning darvozasini ham qo‘portirgan.

Biroq keyinchalik ma'lum bo‘lishicha, prezident Mirziyoevning Sirdaryoga 4 aprel kuni kutilgan tashrifi noma'lum kunga qoldirilgan.

Bundan sal avval «Eltuz» prezidentning Samarqandga tashrifi oldidan yo‘l chekkalariga soxta issiqxonalar qurilgani haqida maqola chop qilgan edi.

Prezident yoki bosh vazir kelishi arafasida bu kabi ko‘zbo‘yamachiliklar qilinishi O‘zbekistonning oldingi prezidenti Karimov davridan buyon keng urchigan.

Masalan, «Eltuz» nashri 2015 yilning oktyabrida odamlar to‘p-to‘p bo‘lib PVA yelim bilan chanoqlarga paxta yopishtirib chiqishayotgani haqida yozgan edi.

Prezident korteji o‘tadigan yo‘l chetidagi xonadon fasadlarini bo‘yash, ko‘chalarga archalar keltirib o‘tqazish, qurib qolsa, ularni bo‘yash urf bo‘lgan edi.

Shuningdek, Karimov davrida prezident o‘tadigan ko‘chaga qaragan uy devorlari va tomlari yashilga yoki O‘zbekiston bayrog‘idagi ranglarga bo‘yalishi yozilmagan qoidaga kiritilgandi.

Rassom Kirpi o‘zbek amaldorlari zehniyatidagi o‘zgarmas odatni o‘z hajviy rasmida aks ettiradi.

Rassom Kirpi
Eltuz.com

Tag‘in o‘qing
19 iyun 2017
Prezident Mirziyoev 13 iyun kungi yig‘ilishida sudyalarning poraxo‘rligini keskin tanqid qildi. «Do‘kon emasku bu, bir soatda yuz dollar, ikki ...
4 mart 2019
Toshkentdagi aholining maishiy chiqindilari yig‘iladigan shoxobchalarga plastmassa va makulatura topshirish majburiyati yuklandi. Poytaxtdagi chiqindi yig‘ish shoxobchasida ishlaydigan Abror akaning ...
19 mart 2019
Mayli, boshlab qo‘ydim endi, men ham xaypni davom ettiray. Qozoqlarda urug‘chilik tizimi bugungi kunga qadar yaxshi saqlanib qolgan. Urug‘ ...
29 mart 2021
1976 yilning 29 martida AQSh kinokademiyasining 48-Oskar taqdimotida beshta asosiy mukofot bitta filmga berildi. Bu Milosh Formanning “Kakku uyasi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...