Catira
11 may 2018

Kamomadda ayblangan general Parpiev soliq qo‘mitasi rahbarligidan bo‘shatildi

Davlat soliq qo‘mitasi rahbari 71 yoshli Botir Parpiev 11 may kuni raislikdan bo‘shatildi. Bu haqda bildirgan O‘zA axborot agentligining rasmiy xabarida soliq qo‘mitasi raisligiga kimning tayinlangani aytilmagan.

O‘tgan oy Davlat soliq qo‘mitasida yirik miqdorda kamomad aniqlanishi ortidan qo‘mita boshlig‘i general Botir Parpiev Moliya vazirligining Nazorat-taftish boshqarmasi xodimlari savollariga javob bergan edi.

Hokimiyatni chirmovuqday qoplagan Parpievlar sulolasi

General-leytenant Botir Parpiev Davlat soliq qo‘mitasiga 2004 yildan rahbarlik qiladi. U MXX sobiq raisi Rustam Inoyatovning qudasidir. Inoyatovning qizi Parpievning o‘g‘liga turmushga chiqqan.

O‘g‘illari: Dilmurod Parpiev – Andijon viloyati Asaka tumani IIB boshlig‘i. Andijonda eng bosh «reshala» bo‘lgan. Reyderlik bosqinlarini u jiyani Ne'mat Haydarov bilan birga amalga oshirib kelgan. Hozirda Dilmurod Parpiev hibsga olingan va tergov qilinmoqda.

Dilshod Parpiev – Tashqi ishlar vazirligi Konsullik boshqarmasi boshlig‘i. Ilgari MXX mayori. Malayziya elchixonasi birinchi kotibi, O‘zbekistonning Singapur elchixonasida maslahatchi bo‘lgan.

Bobur Parpiev – 2016 yildan buyon «Orient finans» tijorat banki boshqaruvi raisi, O‘zbekistonning Germaniyadagi elchixonasida va MXX tizilmalarida ishlagan.

Jiyanlari: Anvar Parpiev – militsiya polkovnigi, Buxoro IIB boshlig‘i o‘rinbosari.

Shuhrat Parpiev – tumanlardan birida IIB boshlig‘i.

Ne'mat Haydarov – militsiya podpolkovnigi, Toshkent shahri IIBB jinoyat qidiruv bo‘limi boshlig‘i.

Prezident tanqidlariga qaramay…

Prezident Mirziyoev Parpievlarni bir necha bor tanqid qilganiga qaramay, u hamon o‘z lavozimida qolayotgan edi.

«Eltuz» o‘rgangan, tasdiqlanmagan manba ma'lumotlariga ko‘ra, Parpiev 2017 yilning dekabri oxirlarida sog‘lig‘i yomonlashgani bois iste'foga chiqish haqida ariza yozgan, biroq bunga prezident Mirziyoev izn bermagan edi.

Botir Parpievning haydalishiga asosiy sabab, «Eltuz» nashri manbasiga ko‘ra, u javobgar bo‘lgan Toshkent metrosining yangi tarmoqlari qurilishida yo‘l qo‘yilgan yirik kamomadlardir.

Xabar.uz nashrining bildirishicha, «Men oddiy askarman. Rahbariyat qaerga lozim topsa, sidqidildan ishlashga tayyorman. Xonadonlarga kirib odamlarning dardu qayg‘usi bilan ishlash, xalqqa xizmat qilish katta mukofot. Bildirilgan ushbu ishonch menga katta mas'uliyat yuklaydi», – deya izohlagan o‘z iste'fosini general-leytenant Botir Parpiev.

Soliq qo‘mitasi raisligidan bo‘shatilgan Parpiev Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi raisining keksalar va faxriylar ishlari bo‘yicha o‘rinbosari etib tayinlangan.

Eltuz.com

Tag‘in o‘qing
5 sentyabr 2016
O‘zbekistonda qatag‘on yillarining qoralovchilaridan biri bo‘lgani iddao qilinadigan 54 yoshli Nig‘matulla Yo‘ldoshev shaxsi haqida matbuotda juda kam eshitganmiz. Nig‘matilla ...
19 noyabr 2018
Ijtimoiy tarmoqda Namanganning 5-mikrorayonida qurilayotgan Eyfel minorasi nusxasining dastlabki fotosuratlari paydo bo‘ldi. Parijning mashhur Eyfel minorasi nusxalarini bugungi kunda ...
18 noyabr 2020
The North Face kompaniyasi sankt-peterburglik shaxsning ayni markadagi yangi botinka ichidan topgan, mahkum uyg‘urning yordam so‘ragani bitilgan xati yuzasidan ...
16 avgust 2017
2018 yilgi Green Card lotereyasi natijalariga ko‘ra, Amerikada yashash imkonini olgan g‘oliblar miqdori bo‘yicha O‘zbekiston beshlikdan o‘rin oldi. Beshlikka ...
Bloglar
8 fevral 2025
Shu paytgacha «Anora» degan ikki film olindi. Bittasi yetim qizning ashlachi bo‘gani haqida¸ yana bittasi ...
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...