Catira
25 yanvar 2016

Hukumat e'tiboridan qolgan o‘zbek xalq artistlari

Madaniyat va sport vazirligi e'lon qilgan O‘zbekiston xalq artistlari ro‘yhat bilan tanisharkan, ularni hukumat istalgan va istalmaganlarga ajratganini sezish mumkin.

Xalq artisti Farruh Zokirov ham kiritilmagan vazirlik saytida e'lon qilingan ushbu ro‘yxatdan Sherali Jo‘raev, Farruh Zokirov, Yulduz Usmonova, Ortiq Otajonov va Bobomurod Hamdamov kabi xalq artistlari ham tushirib qoldirilgan.

Vazirlik saytidagi ro‘yxatning xalq artistlari bo‘limida faqat 10 nafar artistning nomini ko‘ramiz. Gulsanam Mamazoitova bilan boshlanadigan bu ro‘yxatga Zulayxo Boyxonova, Maxmud Namozov, Munojot Yo‘lchieva, Nasiba Abdullaeva, Ozodbek Nazarbekov O‘ktam Axmedov ismlari tirkalgan.
Ro‘yxatda Mardon Mavlonov va Soyib Niyozov kabi el tanimagan xalq artistlari borligi ma'lum bo‘ladi. Faxrli ro‘yxat so‘ngida G‘ulomjon Ëqubov ismi turibdi.

Vazirlikning hazili

So‘z ustalari bo‘limida qiziqchi Mirza Holmadov boru lekin Obid Asomov yo‘q.

O‘zbekiston xalq artisti Obid Asomovga yaqin manbalar Eltuz.com bilan suhbatda bu ro‘yxatni “vazirlikning hazili” deb atashdi.
Ro‘yxatning xonandalar bo‘limida Feruza Jumaniyozovani ham Lola Yo‘ldoshevan ham ko‘rmaymiz, Sherali Jo‘raevning ikki ashulachi o‘g‘li ismi ham ko‘rinmaydi.

Ro‘yxatda Ortiq Otajonovning o‘g‘li Ulug‘bek Otajonov ham yo‘q. Lekin Yulduz Usmonovaning qizi Nilufar Usmonovaning ismi bu ro‘yxatga san'atkor bilan vazirlik o‘rtasidagi murosa timsoli o‘laroq qo‘yilgandek tuyuladi.

Hukumat e'tiboriga sazovor bo‘lmaslik mavqei

Madaniyat va sport ishlari vazirligidagi Eltuz.com manbasining ta'kidicha “Vazirlik rasmiy saytiga kirmay qolgan qo‘shiqchilar unvonidan ayrilgani yo‘q, ular faqat e'tibordan qolgan” Vazirlik saytida esa bu ro‘yxatga to‘y buyurtmachilari uchun yanada qulaylik yaratish maqsadida, taniqli san'atkorlar, estrada guruhlari, boshlovchi va so‘z ustalarining telefon raqamlari ilova qilingani aytiladi.
Ro‘yxatda san'atkorlarning ismi, familiyasi, ma'murining telefon raqami yozilgan bo‘lib, tadbirlar, to‘yu tomoshalarni o‘tkazishga taklif qilish maqsadida bog‘lanish mumkinligi ta'kidlanadi.

Qodirov Sharofiddin
Eltuz.com

Tag‘in o‘qing
13 noyabr 2018
“Bu yil fermerlarga har yilgidan ko‘ra og‘ir bo‘ldi. Ularga nisbatan zug‘um va zo‘ravonliklar ko‘lami oshsa oshdiki, aslo kamaymadi”. Bu ...
14 avgust 2019
Bir guruh faollarning 13 avgust kuni shoir Mahmud Rajab himoyasiga norozilik namoyishi o‘tkazishni so‘rab Xorazm viloyati hokimiga, viloyat IIB ...
8 yanvar 2019
Toshkentda mashinalarga quyiladigan metan gazning narxi 1950 so‘mdan 2200 so‘mga ko‘tarildi. Buni ko‘pchilik qo‘shimcha qiymat solig‘i (QQS) olish boshlangani ...
20 may 2016
O‘zbekiston prezidentining Toshkent davlat o‘zbek tili va adabiyoti universitetini tashkil etish to‘g‘risidagi farmoni butun mamlakatni “to‘lqinlantirib” yubordi. Har holda ...
Bloglar
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol mollari ...
20 oktyabr 2020
Bundan o‘n yil ilgari poytaxdagi o‘rtacha ikkita amaldor tushlikka bir millionga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...