Prezident 1200 ga yaqin prokurorni qisqartirdi

Prezident Mirziyoev 15 mart kungi farmoni bilan prokuratura idoralaridagi 1 198 shtatni qisqartirdi. Bu haqda Adliya vazirligi xabar berdi.

Prezidentning «Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari to‘g‘risida»gi farmoniga ko‘ra, 1 apreldan boshlab prokuratura tizimidagi shtatlardan tashqari ko‘plab lavozimlar, bo‘limlar, boshqarmalar tugatiladi.

Prezident Mirziyoev bundan ilgari 2017 yilning 2 avgustidagi chiqishida 80 foiz prokurorlarni ishdan haydashini va ularni ochiqchasiga yomon ko‘rishini aytib, «g‘o‘daygan o‘g‘rilar» va «ilgarigi davrdan qolgan axlat», deya so‘kkan edi.

«Men o‘zi prokuror degan odamni juda yomon ko‘raman. O‘zi birinchi o‘g‘ri ular. Hammani tag‘in o‘g‘rilikka da'vat qiladi”, degan edi Shavkat Mirziyoev videoselektor yig‘ilishida.

Eltuz.com