Catira
12 sentyabr 2019

Go‘shtxo‘r amaldor yoki bir tuyur go‘shtga mahtal xalq

O‘zining “Amerika kasalligi” bilan og‘riganini tan olgan amaldor xalqni ko‘p go‘sht yeb qo‘yayotganlikda, buning natijasida go‘sht narxi ko‘tarilib ketayotganlikda aybladi. 

Ozuqa yetishmasligini go‘sht narxi ko‘tarilib ketayotganiga birinchi sabab sifatida keltirgan O‘zbekiston fermer, dehqon xo‘jaliklari va tomorqa yer egalari kengashi raisi Aktam Hayitovning gaplari ovqatiga bir bo‘lak go‘sht solish imkoniyatiga ega bo‘lmagan ko‘pchilikka masxaralashdek tuyulmoqda.

“Go‘sht narxi nega qimmatlab ketyapti deb o‘ylaysizlar?.. Shunchalik ko‘p go‘sht yemoqdamizki, buning natijasida ko‘pgina kasalliklar paydo bo‘lyapti. Buni “Amerika kasalligi” deyishadi, bu kasallik menda ham bor, hammamizning tanamizda ortiqcha go‘sht bor. Men faqat go‘shtni aytmayapman, ovqatlanish madaniyatimiz yo‘q”, dedi mamlakat fermerlarining yetakchisi.

U ko‘pgina tumanlarda mutasaddilar fermer xo‘jaliklari maydonlarida ozuqabop ekinlar ekish va yetishtirishga qarshilik ko‘rsatayotgani, fermer o‘z xo‘jaligida ekinlarni erkin joylashtira olmasligi, ozuqa zaxirasi yetishmasligi esa o‘z o‘rnida go‘sht va sut mahsulotlari narxiga ta'sir o‘tkazayotgani haqida murojaatlar borligini ham ma'lum qildi.

Sovet davrida paxta maydonlarida almashlab ekish keng tarqalgan amaliyot edi. Ammo mustaqillikdan so‘ng marhum davlat rahbarining har bir katta ma'ruzasi yoki qabul qilgan hujjati ortidan “islohotlarning yangi bosqichi”ga o‘tavergan O‘zbekistonda bu amaliyot yo‘qoldi. 

A.Hayitov esa yangi prezident almashlab ekishga ruxsat berganini bildirdi. 

“…bu yil birinchi bor prezident qarori asosida paxtachilik xo‘jaliklarining 10 foiz maydonida beda ekini yetishtirishga ruxsat berildi. Endilikda fermer boshqa ekinlar bo‘yicha belgilangan hosildorlikni ta'minlasin va 10 foiz maydonda chorva uchun ozuqa ham eksin”, dedi Aktam Hayitov.

Bu kabi bayonotlar O‘zbekistonda go‘sht narxining muntazam oshishi fonida yangramoqda. Zero, aholi mazkur narx oshishining to‘xtashiga umid qilmayotir.

So‘nggi ma'lumotlarga ko‘ra, Namangan va Andijonda suyakli go‘sht 48-50 ming so‘m, Farg‘onada 50 ming so‘mdan sotilmoqda. 

Toshkentda ham bunday go‘sht narxi 50 ming so‘m, ammo lahm go‘sht bahosi 60 ming so‘mgacha boradi. 

To‘g‘ri, maxsus tashkil etilgan yarmarkalarda suyakli go‘sht narxi 35-38 ming so‘mdan. Ammo ularga shunchalik ko‘p suyak qo‘shiladiki, oxir-oqibatda sof go‘shtning narxi bozordagiga teng bo‘lib qoladi. 

Toshkentdagi qassoblardan birining aytishicha, buning uchun bitta molning go‘shtiga ikki-uchta molning suyagi qo‘shib sotiladi. Natijada ular zarar ko‘rishdan saqlanadi.

Sirdaryolik qassobning aytishicha, qishloqlarda haftasiga bor-yo‘g‘i yarim kilo go‘sht bilan ro‘zg‘or o‘tkazayotganlar soni juda ko‘p. Chunki odamlarning ko‘proq go‘sht olishiga moliyaviy qurbi yetmaydi.

Bu e'tiroflardan ko‘rinib turibdiki, amaldorlarning xalqni ko‘p go‘sht yeyayotganlikda ayblashi mavjud muammoni xaspo‘shlash, aybni aholining zimmasiga yuklashdan boshqa narsa emas. 

“Eltuz”ning O‘zbekistondagi hamkori
Eltuz.com

Tag‘in o‘qing
14 dekabr 2017
Rassom Tuz aks ettirgan rasmdagi bu hayvonni bilasizmi? U qanday hayvon? Qaerlarda yashaydi? Nimadan qo‘rqadi? Kimga bo‘ysunadi? Kimlarga tashlanadi? ...
29 iyun 2019
Tepada o‘tirganlar kaptarning butiga xat solib menga jo‘natishdi. Shu yaqin orada 9 ta ayol prezident tarafidan kechirilib, qamoqdan chiqarilar ...
31 dekabr 2020
Kechgan yilda Mirziyoev nomidan Afg‘oniston, Tojikiston, Qirg‘iziston, Qozog‘iston va Rossiyaga yordam yuborildi. Gaz va elektr energiyasi yetkazib berildi. Eltuz.com
23 oktyabr 2020
Ming yillarki, bulbul kalomi, O‘zgarmaydi, yaxlit hamisha. Lekin sho‘rlik to‘tining holi, O‘zgalarga taqlid hamisha. Ona tilim, sen borsan, shaksiz, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...