Catira
24 sentyabr 2019

«Trollar”ning egasi kim?

Toshkent axborot texnologiyalari universiteti mutasaddilari tashkil etgan “trollar fabrikasi” haqidagi gap-so‘zlar bir necha kundan buyon internetning o‘zbek segmentida qizg‘in muhokama qilinmoqda.

Qizig‘i shundaki, muhokamachilar bu “fabrika”ning homiysi kim ekani borasida aniq fikr aytishdan o‘zini tiyib kelayotgandek ko‘rinadi.

TATU “trollari”ni birinchi bo‘lib mahalliy jurnalistlarning o‘zlari kashf etgani diqqatga sazovor. Zero, shu paytgacha bunday nozik masalalarni ommaga olib chiqishga jur'atlilar deyarli yo‘q edi.

Masalaning nozikligi shundaki, dunyo mamlakatlarida hukumatlar foydasiga ishlaydigan “trollar”ning egasi, ya'ni homiysi xavfsizlik xizmatlari hisoblanadi.

Shuning uchun o‘zbek “trollari”ning egasi kimligini ochiqlashda shu jihat ustunlik qilayotgani ularning egalarini aniq ko‘rsatishga to‘siq bo‘layotgandek go‘yo.

Sharqshunoslik instituti, Jahon tillari universiteti kabi Toshkent axborot texnologiyalari universiteti ham mamlakat xavfsizlik xizmatlariga kadrlar yetkazib beruvchi asosiy ta'lim muassasalaridan biri hisoblanadi. Hatto universitetda harbiylashtirilgan fakultet ham mavjud.

Shundan kelib chiqib, TATU “trollari”ning homiysi davlat xavfsizlik xizmatlari deb bemalol aytish mumkin.

Qolaversa, “trollar”ning ishlash yo‘nalishi ham shundan darak beradi.

Ya'ni TATU “trollari”ga hukumat siyosatini qo‘llash maqsadida “Ozodlik”, BBS, “Fergana” saytlariga tegishli izohlar qoldirish vazifasi yuklangan. Buning uchun ularga 200 dollardan ish haqi berilgan.  

“Agar loyihaga rostdan ham xorij valyutasida naqd pul ko‘rinishida mablag‘ ajratilayotgan bo‘lsa, buning ortida kim turibdi va uni kim muntazam ravishda moliyalashtirib bormoqda?” deya savol qo‘yilmoqda.

Bu savolning javobi esa TATU “trollari” oldiga qo‘yilgan vazifalardan ko‘rinib turibdi.

Shularni hisobga olib, turli saytlarning izohlar qismida xuddi Islom Karimovni iloh darajasiga ko‘targanlarning uslubida yozilgan fikr-mulohazalarni o‘qib qolsangiz, bilingki, “trollar” ishlayotgan bo‘lishi ehtimoli yuqori.

Yana bilingki, “trollar fabrikasi” faqat TATUda emas, boshqa joylarda ham tuzilganiga shubha yo‘q. 

“Eltuz” hamkori
eltuz.com

Tag‘in o‘qing
12 iyul 2017
Andijonda havo harorati ko‘tarilgan sayin odamlar favvoralar yoni va suv bo‘ylariga o‘zini urmoqda, ob havo darajasi haqidagi rasmiy ma'lumotlarga ...
6 mart 2017
Aleksey Navalniyning ma'lumotlariga ko‘ra, Dmitriy Medvedevga aloqador jamg‘armalar hisobiga “kamida 70 milliard rus rubli hajmidagi mablag‘ va mulk o‘tkazilgan». ...
7 fevral 2020
Mana, yana hafta aylanib, siz bilan yuzma-yuz ko‘rishib turganimdan mamnunman. Jadvalga rioya qilish va intizom yaxshi narsa.  Bir katta ...
30 noyabr 2020
O‘zbekiston paxtachilik tarmog‘ida bolalar mehnatiga barham berilishi, kattalar majburiy mehnatining sezilarli darajada kamayishida O‘zbekiston inson huquqlari forumi (sobiq O‘zbekiston-Germaniya ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...