Catira
19 noyabr 2019

Ortiqxo‘jaev masalasida partiyalar ajoyib imkoniyatni boy berdi

Ayni saylov avj pallasiga chiqqan payti poytaxt hokimi bilan bog‘liq bunday kompromat chiqishi siyosiy jarayonlar rivojlangan davlatlarda deputatlikka nomzodlar va ularning partiyalari uchun chinakam “go‘sht”ga aylanadi: partiyalar va potentsial deputatlar bu mavzuni “chaynaydi”, hatto jabrdiyda sayt “hal qildik, iltimos, yozmanglar” desa ham ular to‘xtamaydi. O‘zbekistonda partiyalarning reaktsiyasi qanday bo‘ldi?

Boshida partiyalarimiz tormozga uchradi. Umuman boshqa mavzularda ma'ruzalar tayyorlab qo‘yilgan jonli efir payti Ortiqxo‘jaev mavzusi ko‘tarildi. Bahs ishtirokchilari mavzudan xabardormidi, yo‘qmi, bilmadim, lekin bir narsa deyishdan cho‘chishdi.

Undan keyin “Adolat» va O‘zLiDeP bayonot berdi. Alisher Qodirov “audioyozuv haqiqiyligi tasdiqlanmaguniga qadar” “Milliy tiklanish” mavzudan chetda turishini bildirdi.

Men e'tibor bergan ikki jihat:

  • “Adolat” va O‘zLiDePning bayonotlari bir-biriga juda o‘xshaydi. Bir xil mazmunga ega, bir xil fikrlar aytilgan. Siyosiy partiyalar bunaqa janjallardan siyosiy kontekst qidirishi kerak emasmi? Sotsial partiya bo‘lmish “Adolat” nega o‘zidan ketib qolgan kapitalistni tanqid qilmayapti? Nega O‘zLiDeP o‘z elektorati vakili bo‘lmish Ortiqxo‘jaev bilan hamkorlikda muammoni hal qilishga va'da bermadi? O‘sha gap – partiyalarimizning aniq ideologiyasi yo‘q;
  • “Kun.uz” bu ishni to‘xtatsa ham partiyalar to‘xtatmasligi kerak edi. Bu bilan ular elektoratiga faolligini ko‘rsatib bergan bo‘lardi. Lekin partiyalar boshida o‘ylanib qoldi, keyin bayonot bilan cheklandi.

“Partiyalar quruq ‘xayp’ qildi”, deyotgan blogerlarning fikri yanglish. Partiyalar bundan ancha kuchli “xayp” qilishi kerak edi. Ishni oxirigacha olib borishlarini kutgandim. Lekin partiyalar ajoyib imkoniyatni qo‘ldan boy berdi. Afsus.

Eldar Asanov,
Telegramdagi «Asanov formati» blogeri

Tag‘in o‘qing
10 fevral 2017
Prezident Mirziyoev kunora o‘tkazayotgan turli yig‘ilish va uchrashuvlarida davlat amaldorlarini ayamay tanqid qilmoqda. Mirziyoev 9 yanvar kuni militsiya xodimlari ...
20 sentyabr 2019
O‘zbekiston hukumati Toshkent shahridagi davlatga tegishli yo‘lovchi tashish transporti tashkilotlarining ko‘rgan zararlarini to‘lab bermoqda.  Xususan, Vazirlar Mahkamasi qaroriga asosan, ...
12 may 2017
12 may kuni Toshkentda atoqli o‘zbek shoiri Tursunboy Adashboev yurak hurujidan vafot etdi. Tursunboy Adashboev 1939 yil 1 yanvarida O‘sh ...
21 yanvar 2019
16 yanvar kuni Shveytsariyaning «Tages-Anzeiger» gazetasi amerikalik biznesmen va Gulnora Karimovaning sobiq eri Mansur Maqsudiy Karimovaning Shveytsariyada muzlatilgan aktivlaridan ...
Bloglar
13 oktyabr 2021
(Taniqli shoir va siyosatchi Muhammad Solihning “Imperativ” kitobidan 35-qism. Audiokitob matnini muallifning o‘zi o‘qigan. Davomi ...
5 oktyabr 2021
XIX asr o‘rtalariga kelib Turkistondagi uch mamlakat – Qo‘qon, Xiva va Buxoro xonliklarini uch yirik ...
3 oktyabr 2021
(Taniqli shoir va siyosatchi Muhammad Solihning “Imperativ” kitobidan 33-qism. Audiokitob matnini muallifning o‘zi o‘qigan. Davomi ...