Catira
14 yanvar 2020

EOIIga qo‘shilish – mamlakat mustaqilligiga xiyonat

Rossiya tashqi ishlar vaziri Sergey Lavrovning 15-16 yanvar kunlari Toshkentga tashrifi arafasida mediatarmoqda O‘zbekistonning YeOII (Yevroosiyo iqtisodiy ittifoqi)ga qo‘shilishi masalasidagi bahslar avj oldi.

O‘tgan saylov arafasida, xususan, 18 dekabr kuni xorijlik diplomatlar bilan bo‘lgan uchrashuvda O‘zbekistondagi to‘rtta siyosiy partiya – O‘zLiDeP, «Adolat», XDP hamda Ekologik partiya vakillari YeOIIga kirish tarafdori ekanliklarini tasdiqlagan edilar.

“Bir asr avval mahalliy boylar Toshkent darvozasini «Orenburg bilan savdo osonlashadi», deb ochib bergan edi. Siyosiy tashkilot bo‘lmish YeOIIga kirishni iqtisod bilan oqlab berayotganlar originalroq bahona topsa bo‘lar edi”, deya izoh yozdi bunga javoban taniqli bloger va jurnalist Sardor Salim feysbuk sahifasida.

Boshqa bir bloger Bahrom Rahmon esa kutilayotgan xatarni 2015 yili YeOIIga qo‘shilgan qo‘shni Qirg‘iziston va Belarus misolida ko‘rsatadi.

“Men oldingi maqolalarimda mazkur uyushma Qirg‘izistonga bergan va'dalarini bajarmagani, Qirg‘iziston mahsulotlari qozoq chegarasidan o‘ta olmay qaytarilayotgani oddiy holga aylangani, qirg‘izistonlik migrantlarga patent bekor qilingan bo‘lsa-da, ularning pul jo‘natmalarida 5 yil ichida ijobiy o‘zgarish bo‘lmagani haqida yozgan edim. Tekin pishloq faqatgina qopqonda bo‘ladi. Rossiyaning eng yaqin qo‘shnisi bo‘lmish Belarus ham bu uyushmaga a'zo bo‘lishiga qaramay, Rossiya 2020 yil 1 yanvardan boshlab Belarusga arzon narxda neft yetkazib berishni to‘xtatdi».

Siyosiy tahlilchi Alisher Ilhomov ham feysbuk sahifasida YeOIIning bir qopqon ekani haqida yozdi.

“O‘zbek va boshqa «iston»larni qopqonga imlashyapti. Ikki vatandoshlik g‘oyasi mamlakat suverenitetiga tahdid solmaydigan mamlakatlar o‘rtasidagina yaxshi bo‘lishi mumkin. Bizning holatimizda esa RF bilan kelajakda qanday ziddiyatlar chiqishini tasavvur qilish qiyin emas”, deya yozdi Alisher Ilhomov.

Sobiq diplomat Qodir Yusupovning 9 yanvar kuni chet el josusligida ayblanib 5 yarim yilga qamalishi yuzasidan yozgan izohida esa Alisher Ilhomov aslida YeOIIga qo‘shilish g‘oyasi vatan manfaatlariga ko‘proq xiyonat ekanini urg‘uladi.

“Ayni paytda, AES qurish shartnomasini imzolash, shuningdek, mamlakatni YeOIIga tortish orqali RF harbiy aviatsiyasiga havo yo‘llarini ochib berish bilan mamlakat manfaatlariga xiyonat qilayotgan shaxslar emin-erkin yurishibdi”, deya izoh yozdi Alisher Ilhomov.

Eltuz.com

Tag‘in o‘qing
14 mart 2020
Shu paytgacha oshkora tazyiqlarga uchrayotgan o‘zbekistonlik inson huquqlari himoyachilari va jurnalistlar endilikda virtual hujumlarga ham duch kelmoqda. Ularga elektron ...
1 oktyabr 2018
Muhammad Bekjon o‘z kitobining navbatdagi qismida Koson zonasidagi 159-larning alohida jazolanishi, «g‘oz yurish» va uni 15 sutka izolyatorga hukm ...
6 fevral 2019
Shvetsiyadagi SILK – Shved xalqaro liberallar markazi 5 fevral kuni o‘zbek jamoatchiligi, shved diplomatlari, huquq faollari va siyosatchilari ishtirokida ...
19 oktyabr 2017
18 oktyabr kuni Toshkentda o‘tgan Yevropada havfsizlik va hamkorlik tashkiloti (YeHHT) anjumanida jurnalist Bobomurod Abdullaev taqdiriga oid barcha savollar ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...