Catira
20 yanvar 2020

Yangi aviakompaniya – Humo Airni qabul qilib oling!

Bosh vazir Abdulla Aripov 18 yanvar kuni 2020 yilda Humo Air davlat aviakompaniyasi tashkil etilishini e'lon qildi. Uning so‘zlariga ko‘ra, faqat mamlakat ichida uchadigan yangi aviakompaniya tariflari «hozirgisidan ancha arzon bo‘lishi kerak».

Humo Air uchoqlarni qaerdan olishi va nima sababdan yangi aviakompaniya tariflari boshqa davlat aviakompaniyasi –  «O‘zbekiston havo yo‘llari»nikidan arzon bo‘lishi haqida hozircha aniq aytilmagan.

Ertaklardagi humo qushi personajini 1992 yili yozuvchi Pirimqul Qodirov taklif qilgan. Rassom Anvar Mamajonov bu afsonaviy qushni grafik stilizatsiya qilib, gerb markaziga joylashtirgan edi.

Eron mifologiyasi mahsuli bo‘lgan humo tasvirining siyqa ko‘rinishlari takrori o‘zbek blogerlari allergiyasi va sarkazmiga nishon bo‘ldi.

«​​Albatta, yangi ochiladigan aviakompaniyani nomi Humo Air bo‘lishi mantiqan ham, ramziy ma'noda ham normal. Chunki dunyoda «Pegasus» (uchar ot) kabi nomli aviakompaniyalar ham bor. Ammo «Humo» degan nom hozirda har uchta restoranning birida, har ikkita to‘yxonaning birida borligi, undan tashqari, yangi qurilgan muz saroyi va elektron to‘lov tizimlaridan keyin ham bunday nom berilishi g‘alati savollarni keltirib chiqaradi», deya yozdi bloger Nurbek Alimov.

Hammayoq «Humo» bo‘lib ketgani haqida boshqa bir taniqli bloger Eldor Asanov ham yozdi.

«Yaxshi-ku. Sharq folkloriga hurmat. Taklifim, faqat humo bilan cheklanmaylik – manbalarda boshqa afsonaviy qushlar ham tilga olinadi. “O‘zatom” – hudhud. Ko‘p gapirvoryapti oxirgi paytlarda. Sud – semurg‘, uning adolatiga yetguncha tasavvufning yetti vodiysidan o‘tish kerak. Shuhrat G‘aniev – qaqnus, yonib qayta tirilaveradi. O‘zbek milliy valyutasi – anqo, urug‘ini topish qiyin», deya kinoya qildi bloger Asanov o‘z sahifasida.

Rassom Kirpi

Eltuz.com

Tag‘in o‘qing
12 noyabr 2018
Toshkentda 11 noyabr kuni Rauf Parfiga bag‘ishlangan tag‘in qarshilikka uchragan tadbirga kelgan bir guruh ziyolilar davrasida o‘zbek muxolifati lideri, ...
10 yanvar 2018
14 yanvar kuni denovliklar o‘tgan yili Ginnesga kirgan mega palov rekordini yangilashmoqchi. Rassom Tuz esa rekord kontseptini yanada ulkanroq ...
17 dekabr 2019
So‘kong‘ichligi bilan nom chiqargan Farg‘ona viloyati hokimi Shuhrat G‘aniev 2 dekabr kuni ijtimoiy tarmoqda tarqalgan navbatdagi audioyozuvida gaz yo‘qligi ...
3 may 2021
Madaniyat vazirligi Madaniy meros departamenti matbuot xizmati “Eltuz”ning telegram kanali va Facebook ijtimoiy tarmog‘ida joriy yil 24 aprel kuni ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...