Catira
4 may 2020

To‘g‘on o‘pirilishi yuzasidan DXX tergov boshladi

Sardoba to‘g‘oni o‘pirilishi yuzasidan tergovni Davlat xavfsizlik xizmati olib bormoqda.

Fojeaning ehtimoliy aybdorlari ustidan Jinoyat kodeksining 207-moddasi 1-qismi (Mansabga sovuqqonlik bilan qarash) va 258-moddasi 2-qismi «b» bandi (Tog‘-kon, qurilish yoki portlatish ishlari xavfsizligi qoidalarini buzish) ayblovlari bilan ish qo‘zg‘atilgan.

Sirdaryo viloyatidagi Sardoba suv omborining to‘g‘oni 1 may kuni o‘pirilishi oqibatida O‘zbekiston va Qozog‘istondagi minglab odamlarning uy-joyi suv ostida qoldi.

Sog‘liqni saqlash vazirligining ma'lum qilishicha, Sardobadagi toshqin oqibatida jami 17300 kishiga tibbiy yordam ko‘rsatilgan, ulardan 56 nafari shifoxonaga joylashtirilgan.

Qozog‘istonning Turkiston viloyatida 10 ta qishloqni suv bosdi, 22 mingdan ortiq kishi evakuatsiya qilindi.

Yumronqoziq aybdor

Rasmiy xabarlar ortidan tarmoqda «Stolbani qamagan idora»ning tergov uslubi haqida latifalar tarqaldi. Mana ulardan ba'zilari:

– Dadasi, siz qurgan Sardobadagi suv ombori o‘pirilib suv toshib ketibdi-yu. Bu suv bizning uygacha kelib, oqizib ketmasmikin?
– Xavotir olma, onasi, bizning uyni oqizmaydi. O‘sha dambaning tsementi polniy shu uyga ishlatilgan, qilt etmaydi.
. . .

Sardobada Mirziyoev qurgan to‘g‘on qulab tushdi. Qurilish materiallarini sudga berishibdi.
Sudda Tosh debdi: Men o‘z ishimni qildim. Men aybdor emasman.
Tuproq debdi:

Men har doimgi ishimni qildim. Men ham aybdor emasman.
Tsement debdi:

– O‘lay agar, men aybdor emasman. Men u yerda yo‘q edim…

– Tarmoq yuzeri Shirin Navruzova esa: “Yumronqoziqlar-chi? Ular ham aybini tan olsin”, deya taklif bildirdi.

Rassom Tuz bu taklif asosida «Eltuz» uchun surat chizdi. Suratda yumronqoziq bosh aybdor sifatida gavdalangan.

Eltuz.com

Tag‘in o‘qing
13 iyun 2017
Davlat idoralari korporativ bazmlarida xonandalar xizmatidan bepul foydalanilishi haqidagi O‘zbekiston xalq artisti Ozodbek Nazarbekov shikoyati turli baxslarga sabab bo‘ldi. ...
21 yanvar 2021
«Eltuz» 21 yanvar kuni satira yo‘nalishidagi to‘rt minuntlik yangi animatsion filmni taqdim qildi. Bunda o‘zbek fermerlarining xonavayron bo‘lishiga sabab ...
6 fevral 2020
Markaziy Osiyo davlatlariga past nazar bilan qarashini yashirmaydigan Rossiya liberal demokratik partiyasi lideri Vladimir Jirinovskiy o‘zining telegram kanali orqali ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...