Fantastika: O‘zbek hojilari shayton ramzi sifatida Karimov haykaliga tosh otdi

Albatta, bu Tuz degan rassomning xayol mahsuli, xolos.

Aslida o‘zbekistonlik hojilarning shaytonga tosh otgani mana bunday kechdi.

Shu yil 24 sentyabr o‘zbek hojilari Muzdalifadan Minoga qaytib keldilar va shaytonga tosh otish uchun Jamarot maydoniga yo‘l oldilar.

Yo‘llarda goh talbiya, goh takbir aytib yurishdi. Hojilarimiz hayitning birinchi kuni Jamarot maydonidagi ramziy katta shaytonga 7 ta tosh otdilar.

Hayitning ikkinchi va uchinchi kunlari hojilarimiz kichik, o‘rtacha va katta ramziy shaytonga 7 tadan jami 42 ta tosh otdilar.

Shaytonga tosh otiladigan ustunlar uchta bo‘lib, (Ularning Karimov¸ Inoyatov va Mirziyoevni tamsil qilgani haqidagi gaplar noto‘g‘ri) ziyoratchilar hayitning birinchi kuni birinchi va ikkinchi ustunlarga tosh otilmay o‘tib ketaverdilar.

Uchinchi ustunga borib, ya'ni katta ramziy shaytonga yuzlanib 7 ta tosh otishdi.

Har tosh otayotganda “Alloh buyukdir! Ey, Allohim, Rahmonning toati shaytonning xorligi uchun, Kitobingni tasdiqlab Payg‘ambaring sunnatiga ergashgan holda otaman”, deyishdi.

Darhaqiqat, Alloh buyuk O‘zbekiston zolimlari esa past va zabundir.

Rassom: Tuz,
eltuz.com,
2015 yil 27 oktyabr