Toshkentlik taksichi mijoz qizni tishlab oldi

Oq «Matiz» mingan 50 yoshli toshkentlik kirakashning Milana ismli o‘z mijozini zo‘rlash maqsadida tishlagani haqida Feysbuk guruxida tarqalgan xabar bir lahzada yuzlab o‘quvchilarning munozaralariga sabab bo‘ldi.

Milananing opasiga ko‘ra, zo‘rovon erkak hirsini qondirish maqsadida uning singlisini xushdan ketkazish uchun urib, tishlab a'zoyi badanini ko‘kartirib tashlagan. Biroq qiz baxtli tasodif – mashinaning yurmay qolganidan foydalanib, qochishga muvaffaq bo‘lgan va jinsiy tajovuzdan omon qolgan.

Hozirda zo‘rovon-manyakni militsiya qidirmoqda.

Ayni paytda Toshkent shahar hokimligi Yo‘lovchi transportining barcha turlari harakatini litsenziyalash va muvofiqlashtirish departamenti, Toshkentda litsenziyasiz taksichilik qilayotgan 2000 haydovchini aniqlagan.

Bundan bir necha yil oldin o‘zbek taksichilari Rossiyada «qotil taksichilar» nomini olgan edi. Ular mijoz qizlarni oldin talab keyin o‘ldirib yuborishgan. Moskvada katta shov-shuvga sabab bo‘lgan “qotil taksichilar” jinoiy to‘dasiga kirgan samarqandlik 18 yoshli Akmal Rizoev, 19 yoshli Abdug‘oyib G‘aniev, Xushnud To‘raqulov, Suhrob Rajabov va 26 yoshli Iskandar Rahmatovlar jinoiy javobgarlikka tortilgan edi.

Rassom Tuz
Eltuz.com