Vaqt mashinasi
13 dekabr 2015

13 dekabr – mahkum huquq himoyachisi A'zam Farmonov tug‘ilgan kun

2015 yilning 13 dekabrida, Jasliq turmasi mahkumi, huquq himoyachisi A'zam Farmonov 37 yoshga to‘ladi. 2006 yilning aprelida uni hibsga olishgan payti 27 yoshda edi. A'zam Farmonov 300 dollarga yaqin miqdorda “ta'magirlik” aybi bilan 9 yil ozodlikdan mahrum etilgandi. 2015 yil aprelida “Jazoni ijro etish muassasasi qonuniy talablariga bo‘ysunmaganlikda” ayblanib, uning muddati tag‘in besh yilga uzaytirildi. Xalqaro Amnistiya A'zam Farmonovni vijdon mahkumi deb e'tirof etdi.

rasm602Bugun A'zam Farmonov oilasi o‘z aziz insonini tug‘ilgan kuni bilan qutlaydi

Qadrli A'zam,
Bugun, garchi sen yonimizda bo‘lmasangda, biz sening tug‘ilgan kuningni nishonlaymiz va seni chin dildan kuchli sevishimizni aytib, tezroq uyga qaytishingni istaymiz. 13 dekabr kuni sen 37 yoshga kirding. Bu degani, ozodlikdan mahrum bo‘lganinga 10 yil bo‘ldi. Bizning firog‘imizga ham roppa rosa o‘n yil bo‘ldi. Sen o‘z hayotingning eng yaxshi yillarini turmada, o‘z oilang, qarindoshlaring va do‘stlaringdan yiroqda kechirding.

Biz tezroq ozod bo‘lishing umidi bilan yashayapmiz. Shu yillar davomida sening farzandlaring katta bo‘ldi. Ularni ardoqlashing, tarbiyalashing uchun, o‘g‘ling va qizing yonida bo‘lishing qanchalik qimmatli. Shu kunlarda, duo qilib faqat bir narsani tilaymiz, kelgusi tug‘ilgan kuningni oilang bag‘rida o‘tkazishingni. Allohdan sog‘lig‘ingni saqlashini va normal hayotgan qaytarishini tilaymiz.

Biz sening jazo muddatingni tag‘in besh yilga cho‘zilishini mutlaqo nohaqlik deb hisoblaymiz. Biroq sening tezroq uyga qaytishinga bo‘lgan umidimiz doimo qalbimizda. Biz O‘zbekiston hukumatidan, birinchi navbatda prezident Islom Karimovdan, biz uchun qadrli bo‘lgan insonni bizga qaytarishini so‘raymiz.

Onang Ra'no Farmonova
rafiqang Ozoda Yoqubova,
farzandlaring Madina va Ozodbek Farmonovlar,
aka ukalaring Abdulaziz, Abdulla, Abduhamid, To‘lanboy va Muhiddin Farmonovlar,
opa-singillaring Zamira, Farida va Nargiza Farmonovlar

Tag‘in o‘qing
7 avgust 2018
Tushishim bilan “Nimaga imillaysan hayvon, kurortga keldingmi!?” deb yelkamga, belimga besh-olti marta rezina to‘qmoq bilan ayamasdan urishadi, “delo” bo‘yicha ...
5 avgust 2020
Marhum prezident Islom Karimovning kenja kizi Lola Karimova (Tillaeva) Amerikadagi uchta villasini sotuvga qo‘ydi Rassom Tuz
6 avgust 2019
Prezident Mirziyoev qarori bilan 3 avgust kuni O‘zbekistondagi mash'um Jasliq qamoqxonasi yopildi. Ayni qarorda qamoqxona binolari va mulklari Qoraqalpog‘iston ...
27 sentyabr 2018
“Abdulhamid Cho‘lponni ottirishda faol ishtirok qilgan o‘zbek yozuvchi va shoirlari Abdulla Qahhor, G‘afur G‘ulom va Hamid Olimjon O‘zbekistonda hali ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...