UzPoster
4 may 2023

4 may – rus bosqinchisi Kaufmanga Toshkentda haykal o‘rnatildi

Turkistonni ishg‘ol qilgan rus bosqinchi generali fon Kaufmanga Toshkentning bosh xiyobonida 1913 yilning 4 mayida yodgorlik o‘rnatilgan edi. Ushbu haykalni loyihalashtirish uchun o‘sha paytda toshkentliklarga soliq sochilib, 80 ming rubl ham yig‘ib olingandi.

Ayni bugunga kelib, media tarmog‘ida rus bosqinchilariga o‘rnatilgan butxonaning qayta tiklanishi asnosida fon Kaufmanga o‘rnatilgan yodgorlik rasmlari istehzoli izohlar avj oldi.

«Prezident qarori bilan Konstantin fon Kaufmanga o‘rnatilgan yodgorlik tiklanadi. Amir Temur yodgorligi esa Bobur istirohat bog‘iga ko‘chiriladi. Bobo va nabira birgalikda quvonishadi», deya rasmga izoh yozishdi.

Interfasdan deb berilgan bu xabar feyk. Lekin bunga jiddiy asoslar bor.

2019 yilning 2 may kuni Namangandagi uchrashuvida O‘zbekiston prezidenti Shavkat Mirziyoev sovet generali Sobir Rahimov haykalini qayta tiklab qo‘yish taklifini bildirgan edi.

Bundan ilgari prezident Shomahmudovlarga o‘rnatilgan sovet yodgorligini joyiga qaytarish taklifi bilan chiqqandi.

Shuningdek, Mirziyoev Toshkent markazidagi «Istiqlol» san'at saroyi va metro bekatiga “Xalqlar do‘stligi” nomini qaytarish qarorini bildirgandi.

Bu voqealar fonida Turkistonni ishg‘ol qilgan rus generali Kaufmanga o‘rnatilgan haykalining rasmi achchiq, istehzoli mem tarzida paydo bo‘ldi.

Kaufmanga o‘rnatilgan bu haykal inqilobdan so‘ng, 1919 yilda buzib tashlangan va granit postament ustida konstruktivizm asosida ishlangan o‘roq va bolg‘a, 1930 yili Lenin haykali, 1940 yil oxirlarida Stalin haykali, 1968 yilga kelib Karl Marks haykali, 1994 yilning 31 avgustiga kelib Amir Temur haykali o‘rnatilgan.

Eltuz.com

Tag‘in o‘qing
26 iyun 2023
O‘zbekiston xalq artisti, o‘zbek teatri va kinosi aktyori Husan Sharipov 2018 yilning 26 iyunida 81 yoshida olamdan o‘tgan edi. ...
12 sentyabr 2023
Joriy yilning 6 sentyabr kuni Mo‘ynoqda chorvachilikni rivojlantirmoqchi bo‘lgan Chorva Mo‘ynoq Bosh direktori Polvonnazar Rahimovning Qoraqalpog‘istondagi rasmiylar sansolarligi va ...
4 aprel 2018
3 aprel kuni O‘zbekiston Adliya vazirligi «Mening yurtim» telekanalini xalqaro va mahalliy qonunchilik me'yorlarini buzganligi haqida rasmiy ogohlantirdi. Telekanalga ...
12 avgust 2019
“Eltuz” orqali prezident Shavkat Mirziyoevga ochiq murojaat bilan chiqqan “bir guruh ishsiz qilgan va ishlayotgan prokuratura xodimlari” hozir ham ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...