Asosiy mavzular
22 may 2019

22 may – «Sharq oqqushi» nomi bilan dong chiqargan balerina Malika Sobirova tug‘ilgan kun

Malika Sobirova 1942 yilning 22 mayida o‘zbek naychisi Abdurahim Sobirov va osetiyalik shifokor Madina opa oilasida tug‘ilib, yoshligidan nafosatga oshno bo‘ldi.

Qizaloqning nafis harakatlari Leningraddagi xoreografiya bilim yurti o‘qituvchilarini rom qildi.

1952 yilda Malika Sobirova afsonaviy raqqosa Nadejda Bozorova qo‘lida tahsil ola boshladi.

rasm1448
Raqqosa surati sovet jurnallari muqovalarini bezadi

Dunyoga mashhur opera va balet (Mariinskiy) teatri sahnasida qo‘yilgan «Щelkunchik» baletida Malika kichkintoy Masha rolini o‘ynab tahsin oldi.

Raqsdan ta'sirlangan teatr baletmeysteri Malikaga ko‘zi ochilib yopiladigan qo‘g‘irchoq sovg‘a qildi.

Bu qo‘g‘irchoq Malika nazdida doimo eng yuksak e'tirof nishonasi bo‘lib qoldi.

O‘qishni tugatgan Malika 1961 yildan boshlab Ayniy nomidagi Tojikiston SSR davlat opera va balet teatrida ish boshladi.

Raqqosa 1965 yilda Varna shahridagi balet konkursiga nomzod qilib tanlandi.

Malika Sobirova Moskvadagi Bolshoy teatrda Asaf Messerer va Galina Ulanova rahbarligida tanlovga tayyorlandi.

Tanlovda sovet balerinasi sifatida muvaffaqiyat bilan qatnashgan Malika endi Britaniya va Irlandiya sahnasida raqs tushib olqish oldi.

rasm1450
Malika Sobirova eri Muzaffar Burxonov bilan

Bu orada Malika o‘z sahnadoshi Muzaffar Burxonov bilan turmush qurdi.

Ularning birgalikdagi raqslari dunyo baletsevarlari yuragini hapqirtirdi.

Malika SSSR xalq artisti maqomiga erishdi. Ammo mas'ud kunlar uzoq cho‘zilmadi. Doktorlar Malikaga o‘pka saratoni degan shafqatsiz tashxisni qo‘ydi.

Malika Sobirova 1982 yilda Moskvada olamdan o‘tdi. Sharq oqqushi sifatida balet sahnasining malikasiga aylangan raqqosa afsonasi shu tariqa g‘amgin yakunlandi.

Raqqosaning eri Muzaffar Burxonov Tojikistondagi fuqarolar urushi davrida maydonga chiqqan millatchi va diniy ekstremistlar tazyiqidan qochib Polshaga ketdi.

Video: Malika Sobirova va Muzaffar Burxonovning «Vakxanaliya» balet kompozitsiyasidagi raqsi

Rayhon To‘ychieva
Eltuz.com uchun maxsus

Tag‘in o‘qing
6 aprel 2016
Rassom Elsevar yana bir bor Eltuz.com mushtariylari e'tiborini O‘zbekistondagi hukumat amaldorlari tomonidan amalga oshirayotgan yovvoyilik, mamlakatning ekofondini yo‘qqa chiqarishga ...
10 avgust 2023
Eltuz e'lon qilgan Bulung‘urda IIB xodimlari kaltaklagan o‘spirin videosi yuzasidan ichki ishlar idorasi munosabat bildirdi. “Xodimlar qo‘pollik qilib urayapti”- ...
23 oktyabr 2015
Agar siz jurnalist bo‘lsangiz? Faol aktivist bo‘lsangiz? Yoki oddiy fuqaro bo‘lsangizu O‘zbekistonda yashashasangiz? – u holda o‘zingizni huquq tartibot ...
9 mart 2017
O‘zbekistonda so‘nggi yillarda go‘sht narxi osmon bo‘lib ketdi. Hukumat ham buni ko‘rib, muammoni yechish harakatiga tushib qoldi. Bozorlarda sotiladigan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...