Asosiy mavzular
8 fevral 2017

Kuyovdan mulla ham, doktor ham pora so‘radi

Namanganlik kuyov, ayni paytda tibbiyot ko‘rigi bo‘limi mijozi Ibodulla Boymatov o‘zi olgan videoni Eltuzga jo‘natdi.

«Arshin mololon» kinosidagi kuyov uchun bir kalla qand, uch so‘m pul va bitta mulla kifoya edi. Namanganlik bo‘lg‘usi kuyov esa, doktordan spravka olaman deb to‘yi kechikdi, boz ustiga pulsiz mulla ham nikoh o‘qimadi. Buni uning o‘zi Eltuzga aytib berdi.

U hatto, mulla va nikohni qayd qilish bo‘limiga lozim qog‘ozlarni undirish uchun tibbiyot ko‘rigi bo‘limidagilar bilan janjallashishgacha borganini aytadi.

Ayni janjal, uning Eltuzga jo‘natgan videosida aks etgan. Videoni u Namangan viloyati Uychi tumani Poliklinikasida mobil telefoniga olgan.

Niyat uylanish edi…

«O‘zi yaxshi bir niyat – uylanish uchun qog‘oz olaman, deb borgandim u yerga», dedi u Eltuzga.

Uning bildirishicha, bo‘lim xodimasi, unga «kasali yo‘q» degan qog‘ozni yozib berish evaziga «15 ming so‘m» so‘ragan.

«Bermaganlarni menga o‘xshab shantaj qilarkan», deydi kuyov bo‘lmish.

Uning iddao qilishicha, shifoxonaning bu bo‘limi «yog‘liq joy». Janjalga esa, uning pul qistirmagani baxona bo‘lgan.

Janjal kattalashgach, Uychidagi bir erkak «razbor»ga chaqirilgan.

«Razborshik»ning dag‘dag‘asi hech narsamasku, lekin asabbuzarlik bo‘lib, quda tomonlar oldida shu qog‘ozni qilib bermay noqulay ahvolga solishdi», deya hikoyasini davom ettiradi sho‘rlik kuyov.

Bizda hamma yoq «Pole chudes»

Eltuz bilan suhbatida, keyinchalik 200 ming so‘m bilan ishini bitirishga muvaffaq bo‘lganini bildirarkan, «Bu toza pora puli» ekanini pisanda qiladi.

Chunki, pul oldi-berdisi hech qaerda aks etmaydi.

«O‘zi pulni olib, bo‘limma-bo‘lim yugurib, qilib beradigan odamlari bor», deya qo‘shimcha qiladi u.

Uning so‘zlariga ko‘ra, birgina rentgen uskunasiga homilador ham, qo‘l-oyog‘i singan ham, kasali og‘ir boshqa bemorlar ham, qariyalar ham kuni bilan navbatda turishadi.

Bundan tashqari yana OITS markazi, analiz, qon topshirish va hokazo boshqa bo‘limlar bor.

«Agar pora bermay, o‘zingiz navbatga turib bu ishlarni qilsangiz ham vaqtingiz ketadi, ham asabingiz buzilgani qoladi», deydi suhbatdosh.

Mullaning nikohi – alohida tragikomediya

Kuyov bo‘lmishning tag‘in bildirishicha, nikoh oldidan O‘zbekistonda majburiy tibbiy tekshiruv joriy qilinganiga ancha bo‘lgan.

«Bunday qog‘ozsiz na ZAGS xodimi, na biror mullaning nikoh o‘qishga haqqi yo‘q», deydi u.

Biroq tibbiy spravkani olganidan keyin ham nikoh masalasi tezgina bitmaganini aytadi.

«Bizning Namanganda mulla nikoh o‘qimasa juda yomon bo‘larkan», – deydi suhbatdosh.

Uning so‘zlariga ko‘ra, avvaliga mulla «nikoh o‘qimayman» deb, oyoq tirab turib olgan.

Keyin «nikoh puli»ni masjid hisobiga rasmiylashtirib kelish uchun ancha vaqt yo‘q bo‘lib ketgan.

Shundan keyingina, Nikohnoma degan qog‘oz qo‘lga tekkan.

«Bonusiga, «G‘usul» surasi yozilgan bir parcha qog‘oz ham berdi. Bu sovg‘a emish», deydi o‘z hikoyasiga baxtli yakun yasarkan namanganlik kuyov.

Video: https://youtu.be/0qQ0ezpZRZ8

Eltuz.com

Tag‘in o‘qing
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, million nusxada kitob bo‘lsin, ...
29 may 2017
O‘zbekistonning kengayib borayotgan yaxna ichimliklar bozori, o‘nlab o‘zaro raqobatdosh shirkatlarning tobora shiddatli jang maydoniga aylanmoqda. Ayni jarayonda «Smile Lux» ...
11 aprel 2021
(Shoir va siyosatchi Muhammad Solih audiokitobining davomi. Boshi «Eltuz»ning «Imperativ» ruknida. Davomi bor.) Ha, o‘tmishga qaytamiz yana. Bizning umumiy ...
17 aprel 2019
Ommaviy axborot vositalarida turk aktyori Burak O‘zchivitning yangi tug‘ilgan chaqalog‘iga Toshkentdan uy sovg‘a qilingani haqidagi xabarlarni 17 aprel kuni ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...