Video
18 may 2017

O‘zbek olimi General Do‘stimga bag‘ishlab qo‘shiq kuyladi (video)

Britaniyada yashayotgan, 69 yoshn o‘zbek professori Ahmad Hoji Xorazmiy bir soatlik qo‘shiqlari dastasini yutub kanaliga qo‘ydi.

Dam tor, dam gitara cholg‘usida kuylagan qo‘shiqlarida olim Afg‘onistonda jang qilayotgan general Abdurashid Do‘stim, hind aktyori Radj Kapur, marhum rus qo‘shiqchisi Vladimir Visotskiy haqida kuyladi.

Shuningdek, Xorazm musiqa ohanglarida u ingliz, ispan, arab, hindu, fors va rus tillarida ham kuylashga harakat qildi.

Muhlislaridan Ahmad Xorazmiy o‘z qo‘shiqlarini oddiy bir san'atsevarning primitiv usulda tayyorlagan hirgoyilari sifatida qabul qilishlarini so‘raydi.

Eltuz nashri e'tiboringizga ayni hirgoyi parchalaridan tuzilgan bir minutlik videolavhani taqdim qiladi.

Ahmad hoji Xorazmiy (Ahmad Hasanov) O‘zbekistonga kirishiga rasman taqiq qo‘yilgan olim.

Qishloq xo‘jalik fanlari doktori¸ O‘zbekiston fanlar akademiyasining sobiq a'zosi, professor Ahmad hoji Xorazmiy Xorazm viloyat hokimligi agrosanaot majmuasida va boshqa hukumat tizimlarida ishlagan.

2005 yili ishdan bo‘shatilganida, norozilik piketlari o‘tkazib, ishga tiklanish maqsadida tadbirlar o‘tkazgani va tazyiqlarga uchragani ortidan o‘sha yilning o‘zida Britaniyadan boshpana olgan.

Karimov o‘limidan keyin olim O‘zbekistondagi o‘zgarishlardan umidvor bo‘lib Shavkat Mirziyoev nomiga maktub yozdi.

Maktubda u, O‘zbekistonga safar qilib, yaqinlari bilan ko‘rishib qaytishga imkon berishini so‘ragan edi.

Ahmad hoji Xorazmiyning Bosh vazir virtual qabulxonasidan olgan javob xatida “Sizga O‘zbekiston Vazirlar mahkamasining 1996 yil 21 noyabrdagi 408-qarorining 19 moddasi asosida ya'ni “milliy xavfsizlik yoki jamoat tartibini muhofaza qilishni ta'minlash manfaatlari yo‘lida” O‘zbekiston republikasiga kelishingiz rad qilinadi, deb yozilgan.

Bundan oldin ayni mazmundagi rad javobi yozilgan maktub olimning Xorazm viloyatida istiqomat qiladigan o‘g‘li Oybekka viloyat ichki ishlar boshqarmasi boshlig‘i o‘rinbosari Sa'dullaev imzosi bilan kelgan edi.

Video: https://youtu.be/PUnoU5dxc3A

Eltuz.com

Tag‘in o‘qing
20 mart 2020
Ko‘chadan kelib, qo‘limni kirsovun bilan uch qaytalab yuvdim. Keyin spirt bilan chaydim. Keyin limon siqib, suvi bilan yuz qo‘limni ishqaladim.  ...
7 may 2021
Zihi davroniy, Farxunda nishoniy. Zamon o‘ldi – O‘rusiya zamoni. Furqat Hormang, Ramazon oyida ro‘zalarni tutib, qalblari iymon nuriga to‘layotgan ...
24 avgust 2023
O‘qishga kira olmagan abiturientlar, ularni tuzukroq o‘qita olmayotgan o‘qituvchilar, tabiiy gaz o‘g‘rilari va qo‘shnining parnigida ekilgan nasha… Salom qadrli ...
24 sentyabr 2019
Toshkent axborot texnologiyalari universiteti mutasaddilari tashkil etgan “trollar fabrikasi” haqidagi gap-so‘zlar bir necha kundan buyon internetning o‘zbek segmentida qizg‘in ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...