Asosiy mavzular
5 iyun 2017

“Sultonimiz omon bo‘lsin!” qo‘shig‘i taqiqlandi

«O‘zbekkontsert» birlashmasida prezident devonidan kelgan vakil ishtirokida o‘tkazilgan shoshilinch yig‘ilishda ijtimoiy tarmoqda paydo bo‘lgan “Sultonimiz omon bo‘lsin!” qo‘shig‘i keskin qoralandi.

Dilfuza Ismoilova. Majlisdan olingan surat

Eltuz nashri bundan oldin o‘zbek kino artisti va qo‘shiqchisi Dilfuza Ismoilovaning O‘zbekiston prezidenti Shavkat Mirziyoevga qo‘shiq ijtimoiy tarmoq yuzerlari hazil mazaxiga sabab bo‘lgani haqida yozgan edi.

Ayni qo‘shiq rasmiylar tomonidan tanqid qilingan majlisdan yozib olingan videoni Sayyod nashri 3 iyun kuni e'lon qildi.

Mamlakatda nomi chiqqan xonanda va prodyusserlar chaqirilgan yig‘ilish “Qat'iy tartib intizom va shaxsiy javobgarlik san'atkorlarning asosiy fazilatiga aylansin” degan nom ostida bo‘lib o‘tgan.

“Sen o‘zing siyosatni tushunmasang, mamlakatda bo‘layotgan isloxotlarning mazmun mohiyatini bilmasang, nima qilasan siyosat xaqida ashula aytib? She'r deb bo‘lmaydi yozgan she'rini. Adabiyotning ostonasiga endi kirib kelgan odam ham bunaqa she'r yozmaydi!” degan majlisda O‘zbekiston prezidenti devonining vakili.

3 iyun kuni o‘tgan majlisda prezident devoni vakili nutq so‘zlayapti

Shuningdek, prezident idorasi vakili, mamlakatda yuz berayotgan o‘zgarishlar va siyosat haqida qo‘shiq aytish taqiqlanmagani, lekin shu xaqda qo‘shiq aytmoqchi bo‘lgan odam, avvalo, rahbarlar bilan maslaxat qilishi kerakligini urg‘ulagan.

“O‘zbekkontsert” davlat muasssasasi direktori Azamat Haydarov esa o‘z so‘zida, “ramkadan” chiqqan san'atkorlarni taqiqlash siyosati davom etishini aytdi.

“Xurmatli xonandalar, xalqimizda hamma o‘z ishini qilsin, degan gap bor. Siyosatchi siyosat bilan, dehqon dehqonchiligi bilan” dedi qat'iy ohangda ashulachilarning yangi idorasiga raxbar bo‘lib kelgan eski amaldor.

Haydarov o‘z nutqida shuningdek, “chala shoirlarga she'r buyurtma qilib”, davlat rahbari faoliyati bilan bog‘liq narsalarni kliplarga montaj qilish, hech qanday yaxshilikka olib kelmasligi haqida, ularning taqiqlash haqida gapirgan.

Suratda: Minhojiddin Hojimatov, madaniyat vaziri o‘rinbosari

“Mana shu ishni qilganlarning taqdiri nima bilan tugadi, o‘zlaringiz ko‘rdinglar. Sahnani sog‘inganlar qanaqa ahvolga tushdi? Qancha yillar sahnaga chiqa olmay yurdi. Mana shular bizga saboq bo‘lishi kerak, dars bo‘lishi kerak. Ko‘z o‘ngimizda bo‘ldi shu narsalar. Boshqa mamlakatlarni maqtashlar, ayrim narsalarga uchib, O‘zbekistonni unutib qo‘yishlar. Mana shu narsalar taqiqlanadi, chek qo‘yamiz!” dedi o‘z nutqida “O‘zbekkontsert” davlat muasssasasiga direktori Azamat Haydarov.Yig‘ilish o‘tayotgan zalning eng chetida, xammaning ortida o‘tirgan qo‘shiqchi Dilfuza Ismoilovaga so‘z berilmagan.

Shu yig‘inda qatnashgan xonandalarning birini aytishicha, tez kunlarda Dilfuza Ismoilova lintsenziyasidan mahrum etilishi mumkin.

Yig‘ilishda, “To‘y xizmatini davlat tadbiridan ustun qo‘ygan ba'zi san'atkorlar” ham qattiq tanqid qilindi.

“Kontsertga so‘rapti, xudo ko‘rsatmasin, og‘ir kuniga so‘rasa, demak bir minut ham turmas ekanda u odam! Bir postni unga topshiradigan bo‘lsa demak unga ishonib bo‘lmas ekanda! Bu yerda gap egasini topadi. Iltimos qilaman sizlardan, halqning mehri, halqning g‘azabi bu muqaddas narsa bu.

O‘nglana olmaydi! Har qancha harakat qilsin, o‘nglana olmaydi! Bizga xalqni sevadigan, Vatanga, kerak bo‘lsa turib beradigan, to‘yiga ishonchini almashtirib ketadigan emas, asl san'atkorlar kerak!” dedi yig‘ilishda qatnashgan O‘zbekiston respublikasi prezidenti devonining vakili.

Bundan ilgari qo‘shiqchi Dilfuza Ismoilovaning O‘zbekiston prezidenti Shavkat Mirziyoevga bag‘ishlab aytgan qo‘shig‘i internetning o‘zbek segmentida katta bahs, munozaralarni uyg‘otgan edi.

Ulug‘bek Ashur
Eltuz.com

Tag‘in o‘qing
6 sentyabr 2016
Jizzax va Sirdaryo viloyatlari safariga bag‘ishlangan maxsus ko‘rsatuvda Islom Karimov ish topish uchun xorijga chiqib ketganlardan ijirg‘anishini bildirib: “Bunaqalarni ...
25 oktyabr 2015
Halokat Anvar o‘tirgan Matiz mashinasi paxta ortilgan traktor pritsepi bilan to‘qnashuvi natijasida sodir bo‘lgan. Hozirda mashina haydovchisi og‘ir ahvolda ...
11 oktyabr 2016
Toshkentlik general Jo‘rabek tarafidan 1897 yilda qurilgan, o‘tgan yilgi yong‘in natijasida yaroqsiz holga kelgan “Jo‘rabek” masjidi “Marhum Yurtboshining kenja ...
17 oktyabr 2018
Moskvaning Yakimanka tumanidagi xiyobonga o‘rnatilgan, 16 oktyabr kuni ochilishi kutilgan Islom Karimov haykali ertasi kuni ham ochilmadi. Yakimanka tumani ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...