Catira
7 sentyabr 2017

O‘zbek tomoni tag‘in «Do‘stlik» KPPdan o‘tishni chekladi

7 sentyabr kuni, «Do‘stlik» KPPning rasmiy ochilishidan bir kun o‘tib, o‘shlik huquq himoyachisi Izzatulla Raxmatullaev chegaraning yana yopilgani haqida yozdi.

«Tamom. Kino tugadi. Bugundan o‘zbek tomoni to‘y, yoki dafn marosimiga telegramma talab qila boshladi. Xalqni yana qancha kalaka qilish mumkin», deb yozdi u «Eltuz» muxbiriga.

«Men ertalab soat 9.30 da (chegaraga) borsam, 500 dan ortiq odam turibdi. O‘zbekiston taraf avvalgidek telegramma talab kilayapti».

Izzatulla Raxmatullaev «Eltuz» muxbiriga shuningdek, odamlar orasida ertalab soat 5 dan Aravon, Qorasuv, Novqat va O‘zgan tumanlaridan kelib navbat olganlari borligini bildirdi.

6 sentyabr kuni O‘sh va Andijon viloyatlari orasidagi uchastkada «Do‘stlik» nazorat punkti yana bir bor ochildi.

Ochilish marosimida Qirg‘iziston va O‘zbekistonning oliymaqom mulozimlari qatnashgan, chegarada to‘plangan odamlarning quvonchli gulduros qarsaklari ostida ikki qardosh xalqning do‘stligi haqidagi nutqlar o‘qilgandi.

So‘nggi yillarda «Do‘stlik» KPP bir necha bor ochildi, so‘ng esa o‘zbek tomonidan yopib qo‘yildi. «Ikki qardosh xalqlar»ning chegarasidan o‘tishga cheklov qo‘yildi va o‘tishga faqat to‘y yoki dafn marosimi haqidagi telegramma bilangina ruhsat beriladigan bo‘ldi.

So‘nggi yillarda Karimov qo‘shni mamlakatlar bilan munosabatlarni buzishda nom chiqardi, biroq Mirziyoev iqtidorga kelishi bilan munosabatlar yaxshilana boshladi va u tashrif bilan Qirg‘izistonga va Qozog‘istonga bordi.

«Karimov hayotlik chog‘ida qo‘shnilar bilan munosabatni yaxshilash imkonsiz bo‘lganmidi?» – deya savol bilan yuzlanadi rassom Tuz.

PS: O‘shlik jurnalistlarning xabar berishicha, soat 13 larda o‘zbek chegarasini baribir ochishgan. Yana yopilmasligidan umid qilamiz.

Rassom Tuz
Eltuz.com

Tag‘in o‘qing
17 yanvar 2019
Jurnalist Karimberdi To‘ramurod o‘zining feysbukdagi sahifasida Samarqanddagi 64-maxsus maktab-internat direktori Shuhrat Sadinov aslida shantaj va tuhmat qurboni bo‘lgani, uning ...
30 avgust 2016
Keyingi uch kun ichida, Karimovning miyasiga qon quyilgani va o‘lgani haqida Internetda xabarlar paydo bo‘ldi, shu munosabat bilan Chexiyadan ...
16 sentyabr 2020
Vashington shtatidan o‘zini «mustaqil olim» deb atagan shaxs surgundagi o‘zbek ayirmachilarining yetakchisi uchun AQShdagi agent sifatida ro‘yxatdan o‘tgan. Asli ...
18 avgust 2020
«Men barmoqlarim ko‘karguniga qadar hokimiyatga osilib o‘tirmayman» degan edi jurnalistlarga Belarus prezidenti 2019 yilning noyabrida. Biroq bugun butun mamlakat bo‘ylab Lukashenko ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...