Video
12 sentyabr 2017

Sayhunobod hokimi direktorlarni nega do‘pposladi?

12 sentyabr kuni tarmoqda Sirdaryoda tuman hokimining maktab direktorlarini urayotgani aks etgan video tarqaldi.

Kun.uz nashri tarqatgan videoda Sirdaryo viloyati Sayxunobod tumani hokimi Nosirjon Egamberdiev qarshisida qo‘l qovushtirib saf tortgan o‘ntacha maktab direktorini birma bir haqorat qilib, qulochkashlab uradi.

Tuman hokimining so‘zlaridan, maktab direktorlari Mustaqillik bayramiga o‘qituvchilarni olib kelmagani uchun do‘pposlanishayotganini tushunish mumkin.

«Nimaga chiqmiysan? Nimaga mas'uliyatsizlik qilasan? Qo‘lingni tushir!» dech uradi, o‘zini oqlashga harakat qilayotgan maktab direktorini.

«Bechora rayono mudirini itdek qilaman, aslida sen ham aybdor. Nega rayoningni hurmat qilmaysan?», deya baqiradi hokim.

Navbatdagi direktorga o‘girilib ketma-ket musht tushirarkan «Nima, uyatmasmi? Mustaqillik bayrami! Vatanni bayrami! Ey iflos!» deya haqoratlab do‘pposlashda davom etadi hokim.

Kun.uz manbasiga ko‘ra, viloyat hokimi Mustaqillik bayrami yuqori saviyada tashkillashtirilmagani uchun, tuman hokimi Nosirjon Egamberdievga xayfsan bergan. Tuman hokimi esa o‘z navbatida alamini maktab direktorlaridan olgan.

Sirdaryoda Kasb hunar ta'limi boshqarmasi boshlig‘i bo‘lib ishlagan Nosirjon Egamberdiev Sayxunobod tumaniga 2016 yilning oktyabrida hokim etib tayinlangandi.

Rassom Tuz
Eltuz.com

Tag‘in o‘qing
17 fevral 2022
(Rassom Tuz hikoyalari. Davomi, boshi o‘tgan sonlarda) Kutilmagan taklif (Rassom Tuz hikoyalari. Davomi. Boshi o‘tkan sonlarda)10 mart seshanba kuni ...
1 sentyabr 2016
Bugun o‘zbek hukumati Karimov nomidan tabriklar yozmoqda va boshqa davlat raxbarlarinng prezident nomiga tabrik maktublarini qabul qilmoqda. Ayni paytda ...
24 iyun 2018
Rossiyalik futbol sharhlovchisi Vasiliy Utkin Argentina-Xorvatiya o‘yini paytida xalqaro nufuzi baland bo‘lgan o‘zbekistonlik referi Ravshan Ermatovni «eshakning o‘g‘li» deya ...
13 fevral 2020
Anvar Obidjonning 1983 yil yozilgan «Ey, yorug‘ dunyo!» kitobi mazmuni ba'zi jihatlari bilan shu bugungi O‘zbekistonda yuz bergan voqealarga ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...