Asosiy mavzular
4 noyabr 2017

Bobomurod Abdullaev oldiga advokat kiritish harakati samarasiz qolmoqda

2 noyabr kuni Bobomurod Abdullaevning oldiga qo‘yilmayotgan advokat Munojot Parpieva shikoyatini Bosh prokuror o‘rinbosari Alisher Mirasilov 10-15 kun ichida ko‘rib chiqishini bildirdi. Bobomurod Abdullaev tergovida qatnashishga izn ololmagach, u MXX tergovchilarining noqonuniy harakatlari ustidan arz qilishga majbur bo‘lgandi.

Orada jamoatchilik faollari jurnalistga boshqa himoyachi izlashdi. 1 noyabr kuni advokat To‘lqin Orifjonov MXX tergovchisi Aleksandr Veselovga hibsda qolayotgan jurnalist Bobomurod Abdullaev himoyasiga order topshirdi.

“Parpieva hali ancha yosh, bunisi ancha yoshi katta va tajribali”, deya ta'rifladi huquq faoli Sur'at Ikromov jurnalistning yangi advokatini. Guruh tergovchisi Veselev advokat Orifjonovni 3-4 kun ichida tergovga chaqirishni va'da qilgan.

Ilgari Parpieva ham MXX boshqarmasi podpolkovnigi Nodir To‘raqulovga, keyin esa guruh tergovchisi Aleksandr Veselovga bir necha bor murojaat qilgan, u tergov qilinayotgan jurnalist oldiga M.Parpievani 31 oktyabr kuni kiritishni va'da qilgan, biroq advokat tergovga kiritilmagandi.

Bu orada “davlat to‘ntarishi”da ayblanayotgan jurnalistning onasi Gavharjon Madaminova davlat himoyachisi Sh.Sharipovga pul ham to‘ladi.

Bobomurod Abdullaev tergovi bir yilga cho‘zilishi mumkin

“3 oy ko‘rilishi kerak ekan, bir oyi o‘tdi. Lekin guruh tergovchilari agar ish cho‘ziladigan bo‘lsa, tergov ishlari qonun bo‘yicha bir yilgacha davom etilishi mumkinligini aytishdi “, dedi S.Ikromov “Eltuz” muxbiriga. Bundan tashqari, u ishdagi figurantlar soni ko‘payayotgani, ish kengaytirilayotganidan xavotir bildirdi.

Jumladan, u “Erk” partiyasining Turkiyada yashayotgan faoli Islom Xolboy, shuningdek, uning o‘g‘li va singlisiga qarshi jinoyat ishi ochilganini ma'lum qildi.

Huquq faolining fikricha, bu harakatlar muxolifat lideri Muhammad Solihni aybdor qilish uchun bo‘lyapti.

“Bu ishlar Muhammad Solih oqlanishining oldini olish uchun qilingan bo‘lishi mumkin. 1999 yilgi portlashlar stsenariysi ham shunday tayyorlangan edi. Endi bular yangi prezident oldida o‘zlarini ko‘rsatishmoqchi”, dedi S.Ikromov.

Jurnalist Bobomurod Abdullaev ishi yuzasidan MXXning bir xodimi ham hibsga olingan, unga nisbatan “davlat sirini oshkor qilish” aybi qo‘yilmoqda.

Bir yil oldin hibsga olingan 27 yoshli Akrom Malikov ham Bobomurod Abdullaevga nisbatan ochilgan tergov ishi figurantiga aylangan. U internetda Abdulloh Nusrat taxallusi bilan maqolalar yozib kelgan edi.

Oldinroq jurnalist Bobomurod Abdullaevga ma'lumot yetkazganlikda ayblanib bir bog‘bon va restoran bosh menejerining ham tergov qilinayotgani bildirilgan edi.

«Eltuz» jurnalist Bobomurod Abdullaevga qarshi ishning borishini kuzatishda davom etadi.

Eltuz.com

Tag‘in o‘qing
18 yanvar 2017
Shu kunlarda, ko‘plab ota onalar kollejni tamomlayotgan farzandlariga to‘rt tomonlama shartnomani imzolatish uchun ish beruvchilar eshigida sarson bo‘lishmoqda. Hali ...
21 aprel 2016
Toshkent rasmiylari ekologik harakat faollarining chiqishlariga pinak ham buzmay ommaviy daraxt kesish kampaniyasini davom ettirishmoqda. 19 aprel kuni o‘zbek ...
26 iyun 2018
O‘zbekiston xalq artisti, o‘zbek teatri va kinosi aktyori Husan Sharipov 26 iyun kuni 81 yoshida olamdan o‘tdi. Taniqli komik ...
21 noyabr 2017
O‘zbekiston BMTning Qrimga nisbatan Rossiya siyosatini qoralovchi rezolyutsiyasi loyihasiga qarshi ovoz berdi. Ushbu hujjatni 75 davlat qo‘llab-quvvatladi, 25 davlat ...
Bloglar
2 mart 2021
Bir og‘aynim qo‘qqisdan men haqimda daholarcha bashorat qilib bunday deb qoldi: Kerak bo‘lsa, ming foiz ...
25 fevral 2021
Bolaligimda mendan 5-6 yosh katta qo‘shni kaptarvoz bola bo‘lardi. Ko‘pincha kaptarlari bizning hovlimizga uchib kelib ...
17 fevral 2021
Hali gazga o‘tilmagan yonilg‘i sifatida faqat benzindan foydalaniladigan vaqtlar edi. Benzin esa avtomobillarga yonilg‘i quyish ...