Asosiy mavzular
9 fevral 2018

Mirziyoev MXX rahbarlarini «sotqin va g‘o‘daygan itlar» deb atadi

O‘zbekiston prezidenti Shavkat Mirziyoev 19 yanvar kuni Surxondaryo viloyatining Qiziriq tumani hokimligi binosida o‘tgan viloyat faollari yig‘ilishida ko‘plab MXX xodimlarini ishdan haydagani haqida g‘azab bilan gapirdi.

«Mana, men bugun Boysun milliy xavfsizlik melisasi mayor Eshquvvatov Sunnatullo Ravshanovich degan g‘o‘ddaygan itni ishdan oldirdim», deb boshlanadi «Eltuz» nashriga bugun kelib tushgan audioyozuv.

Yig‘ilishda Mirziyoev viloyatdagi ayrim MXX xodimlarini o‘z haddidan oshgan davlat sotqinlari, deb ataydi. Jumladan, Angor tumani milliy xavfsizlik bo‘limi boshlig‘i Abdurahimov Bahrom, MXX tergovchisi, adliya kapitani Berdimuhammedovni ishdan olishga qaror berganini bildiradi:

«Polkovnik Haydarov «zamestitel nachalnik otdela VMSGP» deb yozadi, hammasi sotqin o‘zi bular. Men bugun hammasini ishdan oldim!»

Yig‘ilishda u o‘z odati bo‘yicha mulozimlarini bitta-bitta o‘rnidan turg‘azib, MXXni tozalash bo‘yicha topshiriqlar beradi. Mulozimlar esa, «Tak tochno!», «Yest!» kabi eski KGB ishoratlari bilan javob berishadi.

Yig‘ilishda Mirziyoev, jumladan, MXXning general lavozimidagi uchta muovinini ishdan bo‘shatganini aytgan. MXX raisi o‘rinbosari bo‘lgan Shuhrat G‘ulomovni qamoqqa olganini aytib: «Sizlarda ishlab ketgan bitta noinsof, vatan xiyonatchisi bo‘lib, mana butun umr qamoqqa tushdi G‘ulomov degan noinsof», deydi.

Mirziyoev, shuningdek, viloyatdagi MXX rahbarlarini poraxo‘rlikda va boshqa sharmandali ishlarda ayblaydi.

«Bu o‘sha, oldingi sotqinlar, bir-ikkitasi Toshkentda yuribdi, ertaga borib, ularni ham ishdan olaman!» deydi prezident.

Ushbu yig‘ilishdan ko‘p o‘tmay, 31 yanvar kuni MXX raisi Rustam Inoyatovni ishdan bo‘shatgandi. Bu haqda O‘zbekiston prezidentining MXX va prokuratura xodimlari ishtirokida o‘tkazgan selektor yig‘ilishida ma'lum qilingandi.

Video: https://youtu.be/Z6KljdLpAMk

Eltuz.com

Tag‘in o‘qing
9 oktyabr 2019
Jamoat arbobi va konsalting shirkati direktori Aziza Umarova O‘zbekistonning Yevroosiyo iqtisodiy ittifoqi (YeOII)ga qo‘shilish ehtimolini qattiq tanqid ostiga oldi. ...
19 mart 2021
Ey ahli vatan! Bosdi sani muncha g‘afolat,G‘arq ayladi muncha sani daryoi jaholat,Tushdiy sani boshing uza shum zallayu razolat,Boq! Holingga ...
17 noyabr 2016
Internet va media sohasi O‘zbekistonda dunyoda eng keskin nazorat qilinadigan davlatdir. «Freedom House» har yili o‘tkazadigan Dunyo bo‘yicha Internet ...
3 yanvar 2018
3 yanvar kuni ham davom etgan Erondagi namoyishlar ijtimoiy tarmoqning o‘zbek segmentida turlicha talqin etilmoqda. Kimdir bunda Amerikaning qo‘li ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...