Asosiy mavzular
29 mart 2018

«Lo‘lining eshagini so‘y – pulini ol!»

Farg‘onada eshaklar ko‘plab so‘yilayotgani, go‘shti esa somsaga ishlatilayotgani 23 mart kuni «O‘zbekiston 24» kanali orqali namoyish qilingan, hali aybi sud tarafidan aniqlanmagan qassoblar, ayrim kafelar aybsizlik prezumptsiyasiga zid tarzda ko‘rsatuvda ommaviy sazoyi qilingandi.

Endilikda «Eltuz»ga yetib kelgan ma'lumotlarga ko‘ra, markaziy TV ko‘rsatuvida ko‘ringan kafe egalari aybsizligini isbotlashmoqda.

Shu yilning mart oyi o‘rtalarida «Eltuz»ga yetib kelgan xabarlarga ko‘ra, Farg‘onaning Qo‘shtepa tumanidagi lo‘lilar yashaydigan mahallada eshak so‘yib sotish sanoat miqyosida amalga oshirilgan, so‘yilgan eshak go‘shti Toshloq tumanida somsa qilib sotilgan.

Eshak go‘shti bilan bog‘liq janjal bundan oldin ham matbuotga mavzu bo‘lgan, dastlab Samarqand viloyatida eshaklar yashirincha so‘yib sotilganini «Eltuz» 2016 yilning dekabrida ochiqlagan edi.

«Eltuz»ga yetib kelgan foto va videotasvirlarda jar yoqasidagi behisob skeletlar yotgan eshak qabristoni aks etgandi.

Ko‘plab eshaklarning shu yerning o‘zida chala so‘yilgani, ularning uyilib yotgan qontalash go‘shtlari va terilarini ko‘rish mumkinligi qassoblar harom-harish bu ishni tezroq yakunlashni ko‘zlaganidan ham dalolat beradi.

Voqeani «Eltuz»ga izohlagan ayrim mutaxassislar eshaklarning terisi va suyagi uchun so‘yilganini taxmin qilishgan, suyagi tegirmonda maydalanib, mol ozuqasiga qo‘shilishini aytishgandi.

2017 yilning noyabriga kelib, Bosh prokuratura huzuridagi departament eshak go‘shti Toshkentning mashhur «Sharshara» brendi ostida chiqarilgan kolbasalarga qo‘shilganini tasdiqlagan edi.

Eltuz.com

Tag‘in o‘qing
9 aprel 2015
Bugungi kunda ahborot qatlamida Rossiya amalga oshirayotgan ishlarni, nafratni qo‘zg‘ashdan boshqa narsa deya atab bo‘lmaydi, deydi jurnalist Qudrat Bobojonov.  ...
31 oktyabr 2015
Shuhrat Bobojon Eltuz.com Shoh Bobur o‘z ona vatani haqida yozar ekan “Oshlig‘i vofir, mevasi farovon, qovun va uzumi yaxshi ...
2 dekabr 2016
Ayrim viloyat gazetalari ehtiyotkorlik bilan imkon qadar dadillikka qo‘l urayotganga o‘xshaydi. Samarqandda chop etiladigan «Zarafshon» gazetasining internetdagi sahifasida bu ...
3 noyabr 2022
«Eltuz portali»ga kelgan navbatdagi beshta shikoyat maktubini o‘qib eshittiramiz dastlabki shikoyat Samarqanddan. “Kadastr xodimining yerni noqonuniy tarzda sotgani” haqda. ...
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...