Catira
4 aprel 2018

Bolalarni urgan tarbiyachi va uch mulozim ishdan ketdi

Bog‘chadagi bolalarni urgani videosi tarqalgan, Jizzax shahrining «Navro‘z» nomli 39-bog‘cha tarbiyachisi 37 yashar Mohira Mamatqulova ishdan bo‘shatildi. Uch nafar shahar ta'lim bo‘limi xodimlari ishdan olindi, Mamatqulovaning ishi prokuraturaga oshirildi.

Ijtimoiy tarmoqlar, jumladan «Eltuz» nashri 30-mart kuni Mamatqulovaning bog‘cha bolalarini qizil daftar bilan urayotgani videosini ochiqlagan edi.

Voqea, «Eltuz» nashriga ma'lum bo‘lishicha, 27 mart kuni prezident Mirziyoevning Jizzax viloyatiga safari arafasida sodir bo‘lgan. Shu bog‘chada praktika o‘tayotgan, Jizzax pedinistituti 1-kurs talabasi voqeani tasvirga olib ijtimoiy tarmoqqa tarqatgan.

O‘zbekiston Maktabgacha ta'lim vazirligi videodagi bog‘chani aniqlash uchun tezkor tekshiruv o‘tkazgan.

Vazirlik matbuot xizmati xabariga ko‘ra, ayni paytda Mamatqulovaning ishi prokuraturaga oshirilgan. Shuningdek, bog‘chaning uch nafar mulozimi ishdan bo‘shatilgan.

Bundan tashqari, Jizzax shahar maktabgacha ta'lim bo‘limi boshlig‘i Faxriddin Qodirov ham lavozimidan olingan.

O‘zbekistondagi ta'lim-tarbiya muassasalaridagi bolalarga nisbatan shafqatsiz munosabat aks etgan bu kabi videolar ilgari ham tarqalgandi.

Masalan, 2017 yilning 2 martida surxondaryolik «tarbiyachi ayol»ning yosh bolalarga o‘qtalib tahdid qilgani videosi tarqalgan edi.

O‘sha yilning 16 martida paydo bo‘lgan boshqa bir videoda esa farg‘onalik boshlang‘ich sinf o‘qituvchisining bolalarni o‘quv quroli bilan urib, haqoratlayotgani aks etgandi.

«Eltuz» ilgari ma'lum qilganidek bu xolatlar bo‘yicha chora ko‘rilgan, bolalarni «pichoq» bilan qo‘rqitgan surxondaryolik tarbiyachi ayolga jinoiy qo‘zg‘atilgan. Boshlang‘ich sinf o‘quvchilarini kitob bilan urgan farg‘onalik muallima ishdan haydalgan.

Voqealardan ko‘p o‘tmay, 2017 yilning 30 sentyabrida prezident Shavkat Mirziyoev hatto Maktabgacha ta'lim vazirligini tuzish haqida alohida farmonni ham imzolagandi.

Farmonga ko‘ra, bu vazirlik maktabgacha ta'lim sohasida sog‘lom muhit yaratishi va mavjud muammolarni bartaraf qilishi kerak.

Eltuz.com

Tag‘in o‘qing
21 avgust 2018
Hukumatning ko‘ngilochar maskanlarga reydlari ortidan o‘zbek matbuotida «tungi klublar»larni yomonotliq qilish avj oldi. Ayni tendentsiyadagi ko‘rsatuvlarni «Yoshlar» telekanali uzatdi. ...
29 yanvar 2020
O‘zbekistonlik olima Gulsara Shermatova ijtimoiy tarmoqda qoldirgan 28 yanvar kungi postida «chet ellardagi yuqori malakali PhD unvoniga ega kadrlarning» ...
26 avgust 2019
Toshkent shahrida 23-24 avgust kunlari Shayxontohur tumani 4-ichki ishlar bo‘limiga «Malika» savdo majmuasidagi tayanch nuqtasiga soqolli erkaklar tutib keltirilib, ...
26 yanvar 2016
O‘zbek qo‘shiqchisi Nargizning shanba kuni rus millatchi ayollarinig hujumiga uchrashiga ijtimoiy tarmoqdagi qadimchi o‘zbeklar hamdardlik bildirishmadi. Aksincha tarmoqlardagi muhofazakor ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...