Asosiy mavzular
17 aprel 2018

Mirziyoevga suiqasdda ayblangan shaxsning otasi uni aybsiz dedi

O‘zbekiston prezidenti Shavkat Mirziyoevning Qirg‘izistonga tashrifi paytida unga suiqasd qilishda ayblanib, 15 yilga qamalgan 30 yashar Dostonbekning otasi Xursandbek Sarimsoqov “o‘g‘lim aybsiz”, deya bildirdi.

«AKI press» agentligiga ko‘ra, 17 aprel kuni Bishkekda matbuot anjumani o‘tkazgan Sarimsoqov o‘z o‘g‘lining O‘zbekiston prezidentini o‘ldirish rejasi bo‘lmaganini aytgan.

O‘sh shahri sudi Dostonbekni “O‘zbekiston prezidentiga suiqasd uyushtirishga urinish»da aybli deb topib, 15 yilga ozodlikdan mahrum qilgan edi.

19 aprel kuni Sarimsoqovning shikoyat arizasiga binoan O‘sh viloyati apellyatsiya sudi ishni qayta ko‘rib chiqadi.

Sarimsoqovning matbuot anjumani paytida «AKI press»ga aytishicha, o‘g‘li tuhmat qurboni bo‘lgan.

«O‘g‘limni 2017 yilning 2 sentyabr kuni Milliy xavfsizlik davlat qo‘mitasi xodimlari qo‘liga kishan solib olib ketishdi. Unga O‘zbekiston prezidentini Bishkek shahriga kelganda o‘ldirish rejasini tuzdi, degan ayb yuklashdi. Uyni tintuv qilganda bitta ham hujjat topishmadi. It bilan tekshirishganda qora paketdagi narsani topishdi. Portlovchi modda deb rasmiylashtirdilar. O‘g‘limni urishdi, qo‘lini qayirishdi va qiynoq qo‘llab aybini bo‘yniga oldirishdi. O‘g‘limga rus tilida yozilgan iqroqnomaga qo‘l qo‘ydirishdi. U rus tilini bilmaydi-ku. Kim ishonadi o‘g‘limning bitta o‘zi prezidentni o‘ldira oladi deb. Agar bu haqiqat bo‘lganda men bu yerda bu gaplarni aytib o‘tirmasdim», – deydi Sarimsoqov.

Qirg‘izistondagi Turmush nashriga ko‘ra, 15 yilga qamalgan Dostonbek 2017 yilning avgust oyida “Jamoat tavhid va jihod” tashkiloti bilan hamkorlikda O‘zbekiston prezidenti Shavkat Mirziyoevni Bishkekka tashrifi paytida otib o‘ldirishni rejalagan.

Ayni nashrga ko‘ra, Dostonbekning uyidan suiqasd uchun rejalangan portlatuvchi shnur, plastit va detonator kabi portlovchi moddalar topilgan.

O‘zbekiston prezidenti Shavkat Mirziyoev 2017 yilning 5 sentyabrida Qirg‘iziston poytaxti Bishkekka davlat tashrifi bilan kelgan edi.

Eltuz.com

Tag‘in o‘qing
24 mart 2020
Koronavirus karantini bois hukumat 24 martdan boshlab Toshkentga kirish va chiqishni noma'lum muddatga taqiqladi. «O‘zbekiston temir yo‘llari» va Uzbekistan ...
7 avgust 2020
25 iyul kuni qirg‘izistonlik huquq himoyachisi Azimjon Asqarov pnevmoniya bilan kasallanishi oqibatida qamoqxonada vafot etdi, ammo o‘lim sababi aslida ...
7 dekabr 2017
Shavkat Mirziyoevning O‘zbekiston prezidenti etib saylanganiga 4 dekabrda bir yil bo‘ldi. Kuz o‘tib qish keldi. Gazsiz, chiroqsiz uylarda saylovchilar ...
7 yanvar 2016
Saudiy Arabistoniga rasmiy safari doirasida Tojikiston prezidenti Imomali Rahmon Makkai Mukarramaga borib, o‘z yaqinlari bilan Umra ibodatini ado etdi. ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...