Asosiy mavzular
20 aprel 2018

Chex politsiyasi o‘zbek UBER kirakashi faoliyatini to‘xtatdi

An'anaviy taksiga muqobil, oddiy kirakashlarga boyish imkonini beradigan Uber taksi xizmati shu kungacha dunyodagi minglab o‘zbeklarni badavlat qildi.

Shu bilan birga, biznesning bu turi bois ko‘ngilsizliklarga yo‘liqayotgan o‘zbeklar ham talay.

Chexiya poytaxtida 100 dan ortiq o‘zbek Uber taksi haydaydi, shulardan biri 31 yoshli Hayotullo Boyboevdir. 19 aprel kuni Praga aeroportida politsiya uni to‘xtatib, xalqaro nusxadagi haydovchilik guvohnomang yo‘q, deb so‘roq qildi.

Boyboevning so‘zlariga ko‘ra, uning qo‘lida O‘zbekistonda berilgan haydovchilik guvohnomasi bo‘lgan.

“Eltuz” muxbiri Praga politsiyasi bilan ham gaplashdi. Politsiya hodimiga ko‘ra, qonun xalqaro haydovchilik hujjatini talab qiladi.

Boyboev “Eltuz” muxbiri bilan suhbatida chex politsiyasi unga qo‘pol munosabatda bo‘lganini aytdi.

Biroq chex politsiyasi xodimining “Eltuz”ga bildirishicha, qo‘pol munosabatni Boyboevning o‘zi boshlagan va politsiyachilarga qarab baqirgan.

“Shunga qaramasdan, chex tilini bilmagani bois biz savollarimizga javob bera olmagan bu o‘zbek huquqbuzari bilan maksimium xushmuomala bo‘ldik, so‘roq paytida videokamera ishlab turgan, istasangiz ko‘rishingiz mumkin”, dedi Pragadagi Vaslav Havel nomidagi aeroport politsiyasi xodimi.

Politsiyaning Uber taksichilariga bo‘lgan bunday munosabatiga yana bir sabab Chexiyada an'anaviy taksichilarning Uber kirakashlariga qarshi surunkali davom etayotgan noroziliklaridir.

Sal oldin raqobatga chiday olmagan mahalliy taksichilar Boyboevning mashinasi faralarini sindirishgan, shuningdek, unga tahdid ham qilishgandi. Hayotulla bagajida olib yuradigan yarim metrlik xanjari yordamida tajovuzkorlarni haydaganini aytadi.

Boyboev unga solingan 2000 dollar miqdoridagi jarimani qanday to‘lashini bilmaydi, mashina esa unga Pragada yashaydigan asli buxorolik tadbirkor tarafidan ijaraga berilgan edi.

Biroq baribir u muammolarini hal qilib, chex tilini o‘rganib, chex guvohnomasini olib, Pragada Uber taksichilik qilmoqchi, chunki bundan-da serdaromad ishni ko‘rmagan.

Eltuz.com

Tag‘in o‘qing
22 noyabr 2018
Shu yilning 23 noyabrida Urganch tumani ma'muriy ishlar sudi jurnalistlar uyi musodara qilingani yuzasidan shikoyat arizasini ko‘rib chiqadi. Mahkama ...
13 dekabr 2017
12 dekabr kuni Xalqaro mehnat tashkiloti (XMT) O‘zbekistonda hukumatning majburiy mehnatni tugatish choralarini ko‘rgani haqida bayonot berdi. XMT saytidagi ...
2 avgust 2018
Muhammad Bekjonning «Alvido, Jasliq!» kitobidan navbatdagi qism 1999 yilgi Toshkent portlashlarining asosiy guvohi Zayniddin Asqarov bilan yuzlashuv haqida. 2003 ...
25 noyabr 2016
So‘nggi kunlarda O‘zbekiston prezidentligiga nomzodlar viloyatlarga sayr qilib, saylovchilar bilan uchrashuvlarni avj oldirib yubordi. Bu uchrashuvlarda esa ular qo‘lidan ...
Bloglar
10 may 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov klasterlar ...
6 may 2021
1881 yilning 6 mayida Mixail Skobelev boshchiligidagi rus kolonizatorlari Xiva xonligiga qarashli Axaltaka viloyatini okkupatsiya ...
29 aprel 2021
Feminizm deya og‘izlaringning ikki chetida tupuk yaltirab tirjayasizlar, o‘zlaringcha iyaklaringni ko‘tarib kinoya qilasizlar, go‘yo bizning ...