Asosiy mavzular
3 may 2018

Bobomurod ishi bo‘yicha jarayon sudlanuvchilar foydasiga o‘zgardi

Davlat to‘ntarishida ayblanayotgan jurnalist Bobomurod Abdullaevga 2 may kuni prokuror 5 yil qamoq jazosini, qolgan uch ayblanuvchiga esa sud zalidan ozod qilishni so‘radi.

“Qiziq joyi, sudlanuvchilar 20 yil berilishini kutishayotgandi. Ularning hayajonini kuzatish qiziq bo‘ldi. Kameraga tushirish kerak edi buni. Prokuror bu uchalasini oqlash va ozod etish haqida gapirayotganida o‘zlarini tutishlarini”, dedi jarayonni yaqindan kuzatayotgan toshkentlik jurnalist Aleksey Volosevich “Eltuz” muxbiriga.

Sudlanuvchilarning taqdiri 4 may kuni hal bo‘lishi kutilmoqda. Biroq, Volosevich so‘zlariga ko‘ra, uzoq va suronli kechgan jarayon so‘nggida sudya va prokurorlarning pozitsiyasi 180 darajaga o‘zgargan va Bobomurod Abdullaev ham tez orada ozod etilishi mumkin.

U, shuningdek, ushbu siyosiy sud jarayoni O‘zbekistonning yaqin tarixida ilk bor to‘la ochiq holatda o‘tayotganini bildirdi.

“Aftidan butun siyosiy jarayonni prezident Mirziyoevning xalqaro miqyosdagi obro‘sini oshirish uchun o‘rnak sifatida ochiq tarzda o‘tkazishmoqda”, dedi Volosevich.

Eslatib o‘tamiz, jurnalist Bobomurod Abdullaev Milliy xavfsizlik xizmati xodimlari tomonidan o‘tgan yilning 27 sentyabrida o‘g‘irlab ketilgan. Oradan uch kun o‘tib, uning MXX (DXX) tomonidan «hokimiyatni ag‘darishga urinishda ayblanayotgani» ma'lum bo‘lgan edi.

Eltuz.com

Tag‘in o‘qing
13 iyun 2019
Andijon shahri 2-tug‘ruqxonasi farroshi 33 yashar Odinaxon Ergasheva 9 iyun kuni ichki ishlar xodimlari uni telefon o‘g‘irlaganlikda gumon qilib, ...
15 sentyabr 2017
So‘zsiz surat. Rassom Tuz Eltuz.com
17 may 2018
Toshkentda sodir etilgan 1999 yil 16 fevral portlashlardan ikki kun o‘tib, Muhammad Bekjonning akasi yashaydigan Yangibozordagi uyni Xorazm viloyati ...
1 iyul 2019
Shu kunlarda Andijon viloyati hokimi Shuhrat Abdurahmonovning respublika darajasidagi rahbarlardan tortib mahalliy amaldorlargacha shaltag‘ini chiqarib so‘kkani mojarosi OAVlaru ijtimoiy ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...